ភ្នំពេញ:
ជាថ្មីម្តងទៀត ខ្ញុំសូមអរគុណមិត្តអ្នកអាចជាច្រើនដែលបានរួមចំណែកយ៉ាងល្អប្រពៃ ដើម្បីធ្វើអោយខ្ទង់សារព័ត៌មាននេះទទួលបានលទ្ធផលល្អ។ ដើម្បីធ្វើអោយការផ្លាស់ប្តូរមតិគ្នានេះកាន់តែមានតំលៃថែមទៀត ខ្ញុំសូមអោយគ្រប់គ្នាបន្តផ្ញើសំណួរមកខ្ញុំតាមអ៊ីម៉េល AskAMBToddPP@state.gov។
នៅក្នុងខ្ទង់សារព័ត៌មាននៅសប្តាហ៍នេះ ខ្ញុំចង់ឆ្លើយសំណួរចំនួន ៣ ខុសគ្នាដែលអ្នកអានរបស់ខ្ញុំបានផ្ញើមកខ្ញុំ។ ថ្វីត្បិតតែសំណួរទាំង៣មានលក្ខណៈខុសគ្នា តែវានេះមានការទាក់ទងគ្នា ពីព្រោះវាចង្អុលទៅលើការគាំទ្រដ៏សំខាន់របស់រដ្ឋាភិបាលសហរដ្ឋអាមេរិកចំពោះប្រទេសកម្ពុជា។
សំនួរទី១ ស្តីអំពីរូបសំណាកវត្ថុបុរាណកាលពីសតវត្សរ៍ទី១០ នៃអាណាចក្រខ្មែរ ដែលនៅពេលថ្មីៗនេះ ត្រូវបានកំណត់ដាក់ដេញថ្លៃ នៅទីក្រុង New York។ រាជរដ្ឋាភិបាលកម្ពុជាបានសំដែងកង្វល់ថា រូបសំណាកនេះប្រហែលគេបានលួចយកពីប្រាសាទកោះកេរ នៅឆ្នាំ ១៩៧២។ ជាការឆ្លើយតបនឹងកង្វល់ នេះ មេធាវីអាមេរិកប្រចាំតំបន់ភាគខាងត្បូងក្រុង New York បានចាប់ផ្តើមធ្វើការស៊ើបអង្កេត ហើយបានដាក់ពាក្យបណ្តឹងក្នុងនាមរដ្ឋាភិបាលកម្ពុជា ដើម្បីកំណត់អោយច្បាស់នូវកម្មសិទ្ធិស្របច្បាប់ នៃរូបសំណាកនោះ ហើយយកវាត្រឡប់មកប្រទេសកម្ពុជាវិញ។
រដ្ឋាភិបាលសហរដ្ឋអាមេរិកគ្មានការពាក់ព័ន្ធ ក្នុងការយករូបសំណាកនេះចេញពីប្រទេសកម្ពុជា កាលពីឆ្នាំ ១៩៧២ នោះទេ។ អ្នកដែលយករូបសំណាកនេះចេញពីប្រទេសកម្ពុជា គឺដើម្បី ប្រយោជន៍ផ្ទាល់ខ្លួនរបស់គេតែប៉ុណ្ណោះ។ ឥឡូវសំនួរស្ថិតនៅត្រង់ថា តើការយករូបសំណាកនោះចេញពីប្រទេសកម្ពុជា ធ្វើឡើងដោយស្របច្បាប់ ឬមិនស្របច្បាប់? បើសិនជាវាមិនស្របច្បាប់នោះ រដ្ឋាភិបាលសហរដ្ឋអាមេរិកនឹងធ្វើយ៉ាងណាអោយមានការយករូបសំណាកនោះ ត្រឡប់មកកាន់ប្រទេសកម្ពុជាវិញ។ វាជាបញ្ហានៃការលើកកម្ពស់និតិរដ្ឋ ដែលជាអ្វីដែលរដ្ឋាភិបាលសហរដ្ឋអាមេរិកយកចិត្តទុកដាក់ខ្ពស់។ ដោយហេតុនេះ ស្ថានទូតសហរដ្ឋអាមេរិកបានដើរតួនាទីឈានមុខ ក្នុងការជួយលើការស៊ើបអង្កេតរបស់មេធាវី អាមេរិកដែលកំពុងដំណើរការទៅ។
បុគ្គលិកខ្ញុំ ហើយនិងខ្ញុំចាត់ទុករឿងនេះជាអាទិភាពមួយ ដោយសារហេតុផលមួយទៀតផងដែរ។ ផ្នែកមួយនៃបេសកកម្មរបស់សហរដ្ឋអាមេរិកគឺអភិរក្ស និងការពារប្រវត្តិសាស្ត្រ និងបេតិកភណ្ឌវប្បធម៌ សំរាប់ប្រជាជនកម្ពុជា ហេតុដូច្នេះហើយបានជាសហរដ្ឋអាមេរិកបានផ្តល់ថវិកាដល់គំរោងជាច្រើន ដើម្បីអភិរក្សសម្បត្តិវប្បធម៌ល្បីៗនៅកម្ពុជា ដែលរួមមានផងដែរនូវការឧបត្ថម្ភទឹកប្រាក់ចំនួនជិត ២ លានដុល្លាអាមេរិកដល់ការអភិរក្សប្រាសាទភ្នំបាក់ខែងជិតប្រាសាទអង្គរជាដើម។
សំនួរទី២ ដែលខ្ញុំចង់ឆ្លើយគឺទាក់ទងនឹងការហ្វឹកហ្វឺន និងគ្រឿងបរិក្ខាដែលរដ្ឋាភិបាលសហរដ្ឋអាមេរិកកំពុងផ្តល់ដើម្បីជួយប្រទេសកម្ពុជា អោយមានកាន់តែមានសុវត្ថិភាពនិងសន្តិសុខ។ នេះគឺជា អទិភាពដ៏សំខាន់មួយសំរាប់រដ្ឋាភិបាលសហរដ្ឋអាមេរិក ហើយយើងធ្វើការងារតាមវិធីមួយចំនួន។ យុទ្ធភណ្ឌមិនទាន់ផ្ទុះ (UXO) គឺជាការគំរាមកំហែងមួយដល់ប្រជាពលរដ្ឋគ្រប់រូប ជាពិសេសកុមារ ដែលមិនបានដឹងជាមុននូវគ្រឿងទាំងនេះ។ ក្នុងការជួយបោសសំអាត UXO ដែលមួយផ្នែកធំមានបន្សល់ទុក ក្រោមទឹកក្នុងប្រទេសកម្ពុជា សហរដ្ឋអាមេរិកកំពុងបណ្តុះបណ្តាលក្រុមអ្នកមុជទឹក របស់មជ្ឈមណ្ឌលសកម្មភាពកំចាត់មីនកម្ពុជា (CMAC) ដែលនឹងបោសសំអាតយុទ្ធភណ្ឌមិនទាន់ផ្ទុះនៅក្រោមទឹកប្រកប ដោយសុវត្ថិភាព។ លោកអ្នកអាចនឹកស្រមៃទៅមើលពីជំនាញដ៏ត្រឹមត្រូវ ដែលតម្រូវអោយមានសំរាប់ការងារដ៏គ្រោះថ្នាក់ក្នុងការបោសសំអាត UXO ក្នុងបាតទន្លេមេគង្គ ដែលមានស្ថានភាពស្ទើរតែមិនអាចមើលឃើញទាល់តែសោះ។ នៅសប្តាហ៍នេះ ខ្ញុំមានកិត្តិយសបានចូលរួមក្នុងពិធីបញ្ចប់ការហ្វឹកហ្វឺនសំរាប់សិក្ខា កាមរបស់មជ្ឈមណ្ឌលសកម្មភាពកំចាត់មីនកម្ពុជា ហើយបានដឹងពីបេសកកម្មសង្គ្រោះជីវិត និងមានសារៈសំខាន់របស់គេ។
រដ្ឋាភិបាលសហរដ្ឋអាមេរិកបានផ្តល់ថវិកាជិត ៥ លានដុល្លាអាមេរិក ដើម្បីជួយផ្នែកដោះមីននិងយុទ្ធភណ្ឌមិនទាន់ផ្ទុះនៅកម្ពុជា ក្នុងឆ្នាំកន្លងទៅនេះ។ យើងធ្វើដូច្នេះពីព្រោះវាជាទង្វើដ៏ត្រូវ។ យើងមានការប្តេជ្ញាជួយប្រជាជនកម្ពុជា និងកូនចៅរបស់គេអោយរស់នៅក្នុងសេចក្តីសុខ ដោយគ្មានការភ័យខ្លាចការស្លាប់ ឬរបួសដោយសារកាកសំណល់នៃសង្គ្រាមកន្លងមក។ ខ្ញុំមានមោទនភាពនឹងនិយាយថា ការជួយរបស់រដ្ឋាភិបាលសហរដ្ឋអាមេរិកដល់ប្រទេសកម្ពុជាក្នុងការខិតខំនេះ កំពុងផ្តល់លទ្ធផលវិជ្ជមាន។ ប្រជាជនកម្ពុជាមិនត្រឹមតែមានសុវត្ថិភាពជាងមុន ដោយសារការងាររបស់អ្នកជំនាញដោះមីន និង យុទ្ធភណ្ឌមិនទាន់ផ្ទុះប៉ុណ្ណោះទេ តែតាមរយៈការងារនេះ ប្រទេសកម្ពុជាក៏បានក្លាយជាប្រទេសនាំមុខគេផងដែរ ក្នុងការដោះមីន ហើយបានរួមវិភាគទានជាបុគ្គលិក និងជំនាញឯកទេសដល់ប្រតិបត្តិការដោះមីន នៅទូទាំងសាកលលោក។ ប្រទេសកម្ពុជាគួរតែមានមោទនភាពចំពោះការងារដោះមីនរបស់ខ្លួន និងតួនាទីកាន់តែធំឡើងរបស់ខ្លួនជាដៃគូដើម្បីសន្តិភាព សន្តិសុខ និងវិបុលភាព។
សំនួរទី៣ ទាក់ទងនឹងការទទួលស្គាល់ទិវានារីអន្តរជាតិ ថ្ងៃ៨ មីនា។ ទិវានារីអន្តរជាតិគឺជាឱកាសសំរាប់អោយយើងផ្តោតអារម្មណ៍លើការផ្លាស់ប្តូរចាំបាច់ ដើម្បីធានាអោយនារីមានការចូលរួមពេញលេញនៅក្នុងសង្គម។ លោកប្រធានាធិបតី Obama កាលពីពេលថ្មីៗនេះ បានថ្លែងសង្កត់បញ្ហានេះ។ លោកបានមានប្រសាសន៍ថា
“ការធ្វើយ៉ាងណាអោយស្ត្រី និងកុមារី រួមទាំងអ្នកដែលមិនសូវទទួលបានការគិតគូរទៅលើ អាចចូលរួមបានពេញលេញនៅក្នុងជីវិតសាធារណៈ ចាកផុតពីអំពើហិង្សា មានឱកាសស្មើគ្នាក្នុងការទទួលបានការសិក្សាអប់រំ ឱកាសផ្នែកសេដ្ឋកិច្ច និងការថែទាំសុខភាពជួយបង្កើនការចំរុងចម្រើនសេដ្ឋកិច្ចអោយមានជាទូទៅ ព្រមជាមួយនឹងសន្តិសុខ និងស្ថេរភាពនយោបាយផងដែរ”។
ស្ថានទូតសហរដ្ឋអាមេរិកនៅទីក្រុងភ្នំពេញ បានខិតខំជួយប្រទេសកម្ពុជា ក្នុងការប្រឹងប្រែងរបស់ប្រទេសកម្ពុជា ដើម្បីកែលំអឱកាសសំរាប់កុមារី និងនារី។ នៅក្នុងខ្ទង់សារព័ត៌មានរបស់ខ្ញុំកាលពីពេលថ្មីៗនេះ ខ្ញុំបានលើកឡើងពីការដែលរដ្ឋាភិបាលសហរដ្ឋអាមេរិកកំពុងធ្វើសហប្រតិបត្តិការជាមួយប្រទេសកម្ពុជា ដើម្បីជួយអោយស្ត្រីទទួលបានការសិក្សាអប់រំ មានសុខភាពល្អ និងមានទ្រព្យសម្បត្តិច្រើនឡើង។ គ្រាន់តែក្នុងសប្តាហ៍នេះ សារជីវកម្មវិនិយោគឯកជនក្រៅប្រទេសរបស់សហរដ្ឋអាមេរិក ដែលជាស្ថាប័នហិរញ្ញវត្ថុអភិវឌ្ឍន៍របស់រដ្ឋាភិបាលសហរដ្ឋអាមេរិក បានចាប់ផ្តើមភាពជាដៃគូជាមួយធនាគារភូមិ ដើម្បីផុ្តល់ប្រាក់កម្ចីខ្នាតតូចដល់នារីនៅតាមជនបទ។ ឧទាហរណ៍ កម្មវិធីផ្នែកកសិកម្មរបស់យើងកំពុងជួយនារីកម្ពុជា ក្នុងការបង្កើនប្រាក់ចំណូលរបស់គេ និងកែលំអអាហាររូបត្ថម្ភនៃគ្រួសាររបស់គេ។ ក្រៅពីនេះ យើងជួយបង្កើតអោយមានឱកាសទទួលបានការសិក្សាអប់រំច្រើនឡើងសំរាប់នារី និងកុមារីកម្ពុជា ហើយតាមរយៈជំនួយផ្នែកសុខាភិបាលរបស់យើង យើងកំពុងខិតខំកាត់បន្ថយចំនួនស្លាប់របស់នារីក្នុងពេលឆ្លងទន្លេ។
ស្ថានទូតសហរដ្ឋអាមេរិកក៏មានសកម្មភាពផងដែរ ក្នុងការការពារនារីពីគ្រោះថ្នាក់នៃការជួញដូរមនុស្សសំរាប់បំរើផ្លូវភេទ ឬការជួញដូរពលកម្ម។ យើងគាំទ្រការថែទាំ និងការផ្តល់ទីជំរកសំរាប់ស្ត្រីដែលរងគ្រោះដោយការជួញដូរ ដោយផុ្តល់ការព្យាបាល ការប្រឹក្សាយោបល់ផ្លូវច្បាប់ និងផ្នែកចិត្តសាស្ត្រសង្គម អាហារបំប៉ន ការបណ្តុះបណ្តាលវិជ្ជាជីវៈ និងសំលៀកបំពាក់។ ក្រៅពីនេះ យើងជួយអង្គការដែលផ្តល់សេវាច្បាប់ដល់ស្ត្រីរងគ្រោះដោយការរំលោភផ្លូវភេទ អំពើហិង្សាក្នុងគ្រួសារ និងការជួញដូរមនុស្ស។
នៅប្រទេសកម្ពុជា ខ្ញុំមើលឃើញថា នារីកម្ពុជាមានតួនាទីចាំបាច់ណាស់ដល់គ្រួសារ និងសង្គម។ នារីគ្រប់គ្រងកន្លែងលក់ឥវ៉ាន់ ធ្វើការងារកសិដ្ឋាន និងគ្រប់គ្រងមុខជំនួញតូចៗ ដោយជាញឹកញាប់មើលថែទាំគ្រួសារ និងកូនតូចៗ ក្នុងពេលជាមួយគ្នានោះ។ នារីទាំងនេះគួរទទួលបានតួនាទីសមស្របនៅក្នុងរដ្ឋាភិបាល សហគមន៍ និងសង្គមទូទៅរបស់គេ។ មាននារីកម្ពុជាកាន់តែច្រើនឡើងកំពុងឈានទៅដល់មុខតំណែងកំពូលក្នុងអាជីពរបស់គេ ហើយកំពុងគ្រប់គ្រងសហគ្រាសជំនួញធំៗ។ យើងត្រូវការអោយនិន្នាការនេះមានជាបន្តទៀត។ ខ្ញុំមានមោទនភាពចំពោះការដែលរដ្ឋាភិបាលសហរដ្ឋអាមេរិកបានជួយប្រទេសកម្ពុជាក្នុងការខិតខំនេះ ហើយខ្ញុំសូមសរសើររដ្ឋាភិបាលកម្ពុជា ដែលធ្វើការដើម្បីបង្កើនចំនួនតំណាងរបស់នារី នៅតាមសាកលវិទ្យាល័យ និងនៅតាមវិស័យដទៃៗទៀត។
រដ្ឋាភិបាលសហរដ្ឋអាមេរិកមានចំណែកយ៉ាងសកម្ម ក្នុងការជួយដល់ដំណើរជឿនលឿនទៅមុខ នៅកម្ពុជា។ សំនួរទី៣ ដែលខ្ញុំបានឆ្លើយមកនេះ ក្នុងខ្ទង់សារព័ត៌មានរបស់ខ្ញុំនៅសប្តាហ៍នេះបានផ្តល់ឱកាសអោយខ្ញុំគូសបញ្ជាក់ចំណុចនេះ។
ស្ថានទូតសហរដ្ឋអាមេរិកនៅកម្ពុជាមានការប្តេជ្ញាចិត្តក្នុងការធ្វើការដើម្បីកែលំអជីវិតរស់នៅរបស់ប្រជាជនកម្ពុជា។ ការលើកកម្ពស់និតិរដ្ឋក្នុងករណីរូបសំណាកវត្ថុបុរាណ នៃប្រាសាទកោះកេរ ការបណ្តុះបណ្តាលជនជាតិខ្មែរ ក្នុងការដោះយុទ្ធភណ្ឌមិនទាន់ផ្ទុះ និងការជំរុញ សមភាពយេនឌ័រ គ្រាន់តែជាឧទាហរណ៍ខ្លះៗតែប៉ុណ្ណោះនៃការខិតខំរបស់ស្ថានទូតសហរដ្ឋអាមេរិក។
សូមអរគុណដែលបានចំណាយពេលអានខ្ទង់សារព័ត៌មានរបស់ខ្ញុំ។ សូមផ្ញើសំនួររបស់លោកអ្នកជាភាសាខ្មែរ ឬភាសាអង់គ្លេសមកតាមអ៊ីម៉េល AskAMBToddPP@state.gov ហើយសូមតាមដាន Blog ដែលមានអសយដ្ឋាន http://blogs.usembassy.gov/todd/៕
នៅក្នុងខ្ទង់សារព័ត៌មាននៅសប្តាហ៍នេះ ខ្ញុំចង់ឆ្លើយសំណួរចំនួន ៣ ខុសគ្នាដែលអ្នកអានរបស់ខ្ញុំបានផ្ញើមកខ្ញុំ។ ថ្វីត្បិតតែសំណួរទាំង៣មានលក្ខណៈខុសគ្នា តែវានេះមានការទាក់ទងគ្នា ពីព្រោះវាចង្អុលទៅលើការគាំទ្រដ៏សំខាន់របស់រដ្ឋាភិបាលសហរដ្ឋអាមេរិកចំពោះប្រទេសកម្ពុជា។
សំនួរទី១ ស្តីអំពីរូបសំណាកវត្ថុបុរាណកាលពីសតវត្សរ៍ទី១០ នៃអាណាចក្រខ្មែរ ដែលនៅពេលថ្មីៗនេះ ត្រូវបានកំណត់ដាក់ដេញថ្លៃ នៅទីក្រុង New York។ រាជរដ្ឋាភិបាលកម្ពុជាបានសំដែងកង្វល់ថា រូបសំណាកនេះប្រហែលគេបានលួចយកពីប្រាសាទកោះកេរ នៅឆ្នាំ ១៩៧២។ ជាការឆ្លើយតបនឹងកង្វល់ នេះ មេធាវីអាមេរិកប្រចាំតំបន់ភាគខាងត្បូងក្រុង New York បានចាប់ផ្តើមធ្វើការស៊ើបអង្កេត ហើយបានដាក់ពាក្យបណ្តឹងក្នុងនាមរដ្ឋាភិបាលកម្ពុជា ដើម្បីកំណត់អោយច្បាស់នូវកម្មសិទ្ធិស្របច្បាប់ នៃរូបសំណាកនោះ ហើយយកវាត្រឡប់មកប្រទេសកម្ពុជាវិញ។
រដ្ឋាភិបាលសហរដ្ឋអាមេរិកគ្មានការពាក់ព័ន្ធ ក្នុងការយករូបសំណាកនេះចេញពីប្រទេសកម្ពុជា កាលពីឆ្នាំ ១៩៧២ នោះទេ។ អ្នកដែលយករូបសំណាកនេះចេញពីប្រទេសកម្ពុជា គឺដើម្បី ប្រយោជន៍ផ្ទាល់ខ្លួនរបស់គេតែប៉ុណ្ណោះ។ ឥឡូវសំនួរស្ថិតនៅត្រង់ថា តើការយករូបសំណាកនោះចេញពីប្រទេសកម្ពុជា ធ្វើឡើងដោយស្របច្បាប់ ឬមិនស្របច្បាប់? បើសិនជាវាមិនស្របច្បាប់នោះ រដ្ឋាភិបាលសហរដ្ឋអាមេរិកនឹងធ្វើយ៉ាងណាអោយមានការយករូបសំណាកនោះ ត្រឡប់មកកាន់ប្រទេសកម្ពុជាវិញ។ វាជាបញ្ហានៃការលើកកម្ពស់និតិរដ្ឋ ដែលជាអ្វីដែលរដ្ឋាភិបាលសហរដ្ឋអាមេរិកយកចិត្តទុកដាក់ខ្ពស់។ ដោយហេតុនេះ ស្ថានទូតសហរដ្ឋអាមេរិកបានដើរតួនាទីឈានមុខ ក្នុងការជួយលើការស៊ើបអង្កេតរបស់មេធាវី អាមេរិកដែលកំពុងដំណើរការទៅ។
បុគ្គលិកខ្ញុំ ហើយនិងខ្ញុំចាត់ទុករឿងនេះជាអាទិភាពមួយ ដោយសារហេតុផលមួយទៀតផងដែរ។ ផ្នែកមួយនៃបេសកកម្មរបស់សហរដ្ឋអាមេរិកគឺអភិរក្ស និងការពារប្រវត្តិសាស្ត្រ និងបេតិកភណ្ឌវប្បធម៌ សំរាប់ប្រជាជនកម្ពុជា ហេតុដូច្នេះហើយបានជាសហរដ្ឋអាមេរិកបានផ្តល់ថវិកាដល់គំរោងជាច្រើន ដើម្បីអភិរក្សសម្បត្តិវប្បធម៌ល្បីៗនៅកម្ពុជា ដែលរួមមានផងដែរនូវការឧបត្ថម្ភទឹកប្រាក់ចំនួនជិត ២ លានដុល្លាអាមេរិកដល់ការអភិរក្សប្រាសាទភ្នំបាក់ខែងជិតប្រាសាទអង្គរជាដើម។
សំនួរទី២ ដែលខ្ញុំចង់ឆ្លើយគឺទាក់ទងនឹងការហ្វឹកហ្វឺន និងគ្រឿងបរិក្ខាដែលរដ្ឋាភិបាលសហរដ្ឋអាមេរិកកំពុងផ្តល់ដើម្បីជួយប្រទេសកម្ពុជា អោយមានកាន់តែមានសុវត្ថិភាពនិងសន្តិសុខ។ នេះគឺជា អទិភាពដ៏សំខាន់មួយសំរាប់រដ្ឋាភិបាលសហរដ្ឋអាមេរិក ហើយយើងធ្វើការងារតាមវិធីមួយចំនួន។ យុទ្ធភណ្ឌមិនទាន់ផ្ទុះ (UXO) គឺជាការគំរាមកំហែងមួយដល់ប្រជាពលរដ្ឋគ្រប់រូប ជាពិសេសកុមារ ដែលមិនបានដឹងជាមុននូវគ្រឿងទាំងនេះ។ ក្នុងការជួយបោសសំអាត UXO ដែលមួយផ្នែកធំមានបន្សល់ទុក ក្រោមទឹកក្នុងប្រទេសកម្ពុជា សហរដ្ឋអាមេរិកកំពុងបណ្តុះបណ្តាលក្រុមអ្នកមុជទឹក របស់មជ្ឈមណ្ឌលសកម្មភាពកំចាត់មីនកម្ពុជា (CMAC) ដែលនឹងបោសសំអាតយុទ្ធភណ្ឌមិនទាន់ផ្ទុះនៅក្រោមទឹកប្រកប ដោយសុវត្ថិភាព។ លោកអ្នកអាចនឹកស្រមៃទៅមើលពីជំនាញដ៏ត្រឹមត្រូវ ដែលតម្រូវអោយមានសំរាប់ការងារដ៏គ្រោះថ្នាក់ក្នុងការបោសសំអាត UXO ក្នុងបាតទន្លេមេគង្គ ដែលមានស្ថានភាពស្ទើរតែមិនអាចមើលឃើញទាល់តែសោះ។ នៅសប្តាហ៍នេះ ខ្ញុំមានកិត្តិយសបានចូលរួមក្នុងពិធីបញ្ចប់ការហ្វឹកហ្វឺនសំរាប់សិក្ខា កាមរបស់មជ្ឈមណ្ឌលសកម្មភាពកំចាត់មីនកម្ពុជា ហើយបានដឹងពីបេសកកម្មសង្គ្រោះជីវិត និងមានសារៈសំខាន់របស់គេ។
រដ្ឋាភិបាលសហរដ្ឋអាមេរិកបានផ្តល់ថវិកាជិត ៥ លានដុល្លាអាមេរិក ដើម្បីជួយផ្នែកដោះមីននិងយុទ្ធភណ្ឌមិនទាន់ផ្ទុះនៅកម្ពុជា ក្នុងឆ្នាំកន្លងទៅនេះ។ យើងធ្វើដូច្នេះពីព្រោះវាជាទង្វើដ៏ត្រូវ។ យើងមានការប្តេជ្ញាជួយប្រជាជនកម្ពុជា និងកូនចៅរបស់គេអោយរស់នៅក្នុងសេចក្តីសុខ ដោយគ្មានការភ័យខ្លាចការស្លាប់ ឬរបួសដោយសារកាកសំណល់នៃសង្គ្រាមកន្លងមក។ ខ្ញុំមានមោទនភាពនឹងនិយាយថា ការជួយរបស់រដ្ឋាភិបាលសហរដ្ឋអាមេរិកដល់ប្រទេសកម្ពុជាក្នុងការខិតខំនេះ កំពុងផ្តល់លទ្ធផលវិជ្ជមាន។ ប្រជាជនកម្ពុជាមិនត្រឹមតែមានសុវត្ថិភាពជាងមុន ដោយសារការងាររបស់អ្នកជំនាញដោះមីន និង យុទ្ធភណ្ឌមិនទាន់ផ្ទុះប៉ុណ្ណោះទេ តែតាមរយៈការងារនេះ ប្រទេសកម្ពុជាក៏បានក្លាយជាប្រទេសនាំមុខគេផងដែរ ក្នុងការដោះមីន ហើយបានរួមវិភាគទានជាបុគ្គលិក និងជំនាញឯកទេសដល់ប្រតិបត្តិការដោះមីន នៅទូទាំងសាកលលោក។ ប្រទេសកម្ពុជាគួរតែមានមោទនភាពចំពោះការងារដោះមីនរបស់ខ្លួន និងតួនាទីកាន់តែធំឡើងរបស់ខ្លួនជាដៃគូដើម្បីសន្តិភាព សន្តិសុខ និងវិបុលភាព។
សំនួរទី៣ ទាក់ទងនឹងការទទួលស្គាល់ទិវានារីអន្តរជាតិ ថ្ងៃ៨ មីនា។ ទិវានារីអន្តរជាតិគឺជាឱកាសសំរាប់អោយយើងផ្តោតអារម្មណ៍លើការផ្លាស់ប្តូរចាំបាច់ ដើម្បីធានាអោយនារីមានការចូលរួមពេញលេញនៅក្នុងសង្គម។ លោកប្រធានាធិបតី Obama កាលពីពេលថ្មីៗនេះ បានថ្លែងសង្កត់បញ្ហានេះ។ លោកបានមានប្រសាសន៍ថា
“ការធ្វើយ៉ាងណាអោយស្ត្រី និងកុមារី រួមទាំងអ្នកដែលមិនសូវទទួលបានការគិតគូរទៅលើ អាចចូលរួមបានពេញលេញនៅក្នុងជីវិតសាធារណៈ ចាកផុតពីអំពើហិង្សា មានឱកាសស្មើគ្នាក្នុងការទទួលបានការសិក្សាអប់រំ ឱកាសផ្នែកសេដ្ឋកិច្ច និងការថែទាំសុខភាពជួយបង្កើនការចំរុងចម្រើនសេដ្ឋកិច្ចអោយមានជាទូទៅ ព្រមជាមួយនឹងសន្តិសុខ និងស្ថេរភាពនយោបាយផងដែរ”។
ស្ថានទូតសហរដ្ឋអាមេរិកនៅទីក្រុងភ្នំពេញ បានខិតខំជួយប្រទេសកម្ពុជា ក្នុងការប្រឹងប្រែងរបស់ប្រទេសកម្ពុជា ដើម្បីកែលំអឱកាសសំរាប់កុមារី និងនារី។ នៅក្នុងខ្ទង់សារព័ត៌មានរបស់ខ្ញុំកាលពីពេលថ្មីៗនេះ ខ្ញុំបានលើកឡើងពីការដែលរដ្ឋាភិបាលសហរដ្ឋអាមេរិកកំពុងធ្វើសហប្រតិបត្តិការជាមួយប្រទេសកម្ពុជា ដើម្បីជួយអោយស្ត្រីទទួលបានការសិក្សាអប់រំ មានសុខភាពល្អ និងមានទ្រព្យសម្បត្តិច្រើនឡើង។ គ្រាន់តែក្នុងសប្តាហ៍នេះ សារជីវកម្មវិនិយោគឯកជនក្រៅប្រទេសរបស់សហរដ្ឋអាមេរិក ដែលជាស្ថាប័នហិរញ្ញវត្ថុអភិវឌ្ឍន៍របស់រដ្ឋាភិបាលសហរដ្ឋអាមេរិក បានចាប់ផ្តើមភាពជាដៃគូជាមួយធនាគារភូមិ ដើម្បីផុ្តល់ប្រាក់កម្ចីខ្នាតតូចដល់នារីនៅតាមជនបទ។ ឧទាហរណ៍ កម្មវិធីផ្នែកកសិកម្មរបស់យើងកំពុងជួយនារីកម្ពុជា ក្នុងការបង្កើនប្រាក់ចំណូលរបស់គេ និងកែលំអអាហាររូបត្ថម្ភនៃគ្រួសាររបស់គេ។ ក្រៅពីនេះ យើងជួយបង្កើតអោយមានឱកាសទទួលបានការសិក្សាអប់រំច្រើនឡើងសំរាប់នារី និងកុមារីកម្ពុជា ហើយតាមរយៈជំនួយផ្នែកសុខាភិបាលរបស់យើង យើងកំពុងខិតខំកាត់បន្ថយចំនួនស្លាប់របស់នារីក្នុងពេលឆ្លងទន្លេ។
ស្ថានទូតសហរដ្ឋអាមេរិកក៏មានសកម្មភាពផងដែរ ក្នុងការការពារនារីពីគ្រោះថ្នាក់នៃការជួញដូរមនុស្សសំរាប់បំរើផ្លូវភេទ ឬការជួញដូរពលកម្ម។ យើងគាំទ្រការថែទាំ និងការផ្តល់ទីជំរកសំរាប់ស្ត្រីដែលរងគ្រោះដោយការជួញដូរ ដោយផុ្តល់ការព្យាបាល ការប្រឹក្សាយោបល់ផ្លូវច្បាប់ និងផ្នែកចិត្តសាស្ត្រសង្គម អាហារបំប៉ន ការបណ្តុះបណ្តាលវិជ្ជាជីវៈ និងសំលៀកបំពាក់។ ក្រៅពីនេះ យើងជួយអង្គការដែលផ្តល់សេវាច្បាប់ដល់ស្ត្រីរងគ្រោះដោយការរំលោភផ្លូវភេទ អំពើហិង្សាក្នុងគ្រួសារ និងការជួញដូរមនុស្ស។
នៅប្រទេសកម្ពុជា ខ្ញុំមើលឃើញថា នារីកម្ពុជាមានតួនាទីចាំបាច់ណាស់ដល់គ្រួសារ និងសង្គម។ នារីគ្រប់គ្រងកន្លែងលក់ឥវ៉ាន់ ធ្វើការងារកសិដ្ឋាន និងគ្រប់គ្រងមុខជំនួញតូចៗ ដោយជាញឹកញាប់មើលថែទាំគ្រួសារ និងកូនតូចៗ ក្នុងពេលជាមួយគ្នានោះ។ នារីទាំងនេះគួរទទួលបានតួនាទីសមស្របនៅក្នុងរដ្ឋាភិបាល សហគមន៍ និងសង្គមទូទៅរបស់គេ។ មាននារីកម្ពុជាកាន់តែច្រើនឡើងកំពុងឈានទៅដល់មុខតំណែងកំពូលក្នុងអាជីពរបស់គេ ហើយកំពុងគ្រប់គ្រងសហគ្រាសជំនួញធំៗ។ យើងត្រូវការអោយនិន្នាការនេះមានជាបន្តទៀត។ ខ្ញុំមានមោទនភាពចំពោះការដែលរដ្ឋាភិបាលសហរដ្ឋអាមេរិកបានជួយប្រទេសកម្ពុជាក្នុងការខិតខំនេះ ហើយខ្ញុំសូមសរសើររដ្ឋាភិបាលកម្ពុជា ដែលធ្វើការដើម្បីបង្កើនចំនួនតំណាងរបស់នារី នៅតាមសាកលវិទ្យាល័យ និងនៅតាមវិស័យដទៃៗទៀត។
រដ្ឋាភិបាលសហរដ្ឋអាមេរិកមានចំណែកយ៉ាងសកម្ម ក្នុងការជួយដល់ដំណើរជឿនលឿនទៅមុខ នៅកម្ពុជា។ សំនួរទី៣ ដែលខ្ញុំបានឆ្លើយមកនេះ ក្នុងខ្ទង់សារព័ត៌មានរបស់ខ្ញុំនៅសប្តាហ៍នេះបានផ្តល់ឱកាសអោយខ្ញុំគូសបញ្ជាក់ចំណុចនេះ។
ស្ថានទូតសហរដ្ឋអាមេរិកនៅកម្ពុជាមានការប្តេជ្ញាចិត្តក្នុងការធ្វើការដើម្បីកែលំអជីវិតរស់នៅរបស់ប្រជាជនកម្ពុជា។ ការលើកកម្ពស់និតិរដ្ឋក្នុងករណីរូបសំណាកវត្ថុបុរាណ នៃប្រាសាទកោះកេរ ការបណ្តុះបណ្តាលជនជាតិខ្មែរ ក្នុងការដោះយុទ្ធភណ្ឌមិនទាន់ផ្ទុះ និងការជំរុញ សមភាពយេនឌ័រ គ្រាន់តែជាឧទាហរណ៍ខ្លះៗតែប៉ុណ្ណោះនៃការខិតខំរបស់ស្ថានទូតសហរដ្ឋអាមេរិក។
សូមអរគុណដែលបានចំណាយពេលអានខ្ទង់សារព័ត៌មានរបស់ខ្ញុំ។ សូមផ្ញើសំនួររបស់លោកអ្នកជាភាសាខ្មែរ ឬភាសាអង់គ្លេសមកតាមអ៊ីម៉េល AskAMBToddPP@state.gov ហើយសូមតាមដាន Blog ដែលមានអសយដ្ឋាន http://blogs.usembassy.gov/todd/៕
.jpg)
