ភ្ជាប់ទំនាក់ទំនងជាមួយយើងតាមរយៈ

នៅ​ឆ្នាំ​២០១២ របប​របស់​អតីតយុទ្ធជន ត្រូវ​បើក​លុយ​តាម​ធនាគារ​

(ថ្ងៃទី 29 កុម្ភៈ 2012, ម៉ោង 10:44:AM) | ដោយ: សុពិសិដ្ឋ

ក- ក+ | Print

ភ្នំពេញ: ​រាជរដ្ឋាភិបាល​បាន​ផ្ដោត​ការយកចិត្តទុកដាក់​លើ​អតីតយុទ្ធជន ដូចជា ការដំឡើង​របប​គោលនយោបាយ​ចំនួន ២០ ភាគរយ​ជា​រៀងរាល់ឆ្នាំ ស្របតាម​ការដំឡើង​បៀវត្សរ៍​មន្ត្រីរាជការ​ស៊ីវិល និង​កងកម្លាំងប្រដាប់អាវុធ ការផ្ដល់​សម្បទាន​ដី​សង្គមកិច្ចជូន​អតីតយុទ្ធជន និង​ការដាក់​ឲ្យ​ដំណើរការ​នូវ​បេឡា​ជាតិ​អ​តី​តយុទ្ធជន បេឡា​ឥណទាន បេឡា​មរណ​សង្គ្រោះ​របប​សន្តិសុខ​សង្គម សម្រាប់​មន្ត្រីរាជការ​ស៊ីវិល និង​ដាក់​ឲ្យ​អនុវត្ត​របប​តាម​ប្រព័ន្ធ​ធនាគារ ​។

​សមិទ្ធផល​ការងារ​ខាងលើនេះ ត្រូវបាន​លើកឡើងក្នុង​អង្គសន្និបាត​បូកសរុប​លទ្ធផល​ការងារ​ឆ្នាំ​២០១១ និង​លើក​ទិសដៅ​ការងារ​ឆ្នាំ​២០១២ របស់​ក្រសួង​សង្គមកិច្ច កាលពី​ថ្ងៃទី​២៨ ខែកុម្ភៈ ឆ្នាំ​២០១២ នៅ​ទីស្តីការក្រសួង​។ សន្និបាត​នោះ ធ្វើឡើង​ក្រោម​អធិបតីភាព​លោកស្រី ម៉ែន សំអន ឧបនាយករដ្ឋមន្ត្រី​ប្រចាំការ​ ។​

​លោកស្រី ម៉ែន សំអន បាន​លើកឡើងថា ការធ្វើ​បច្ចុប្បន្នភាព​និវត្តជន ជន​បាត់បង់​សម្បទាន​វិជ្ជាជីវៈ និង​អ្នក​នៅក្នុង​បន្ទុក ដែល​កំពុង​អនុវត្ត​នាពេលនេះ គឺជា​ជំហាន​មួយនៃ​ការអនុវត្ត​របប​សន្តិ​សុខ​សង្គម ជាពិសេស​ការបើក​ផ្ដល់​របប​តាវកាលិក តាម​ធនាគារ​កាណាឌីយ៉ា ដែល​កំពុង​ដាក់​ឲ្យ​អនុវត្ត​លើកដំបូង​នៅ​រាជធានី​ភ្នំពេញ នៅ​ដើមឆ្នាំ​២០១២ នេះ គឺជា​សក្ខីភាពនៃ​ជោគជ័យ​ថ្មី​មួយទៀតរបស់​ក្រសួង​សង្គមកិច្ច​។​

​លោកស្រី ម៉ែន សំអន បាន​លើកឡើងថា ក្នុង​ឆ្នាំ​២០១១ កន្លងទៅនេះ រាជរដ្ឋាភិបាល​កម្ពុជា សម្រេចបាន​នូវ​សមិទ្ធផល ជាច្រើន​គួរ​ឲ្យ​កត់សម្គាល់ក្នុង​វិស័យ​សង្គមកិច្ច ក្នុងការ​លើកកម្ពស់​សេវា​សុខុមាលភាព​សង្គម សម្រាប់​ប្រ​ជា​ជនកម្ពុជា​។ ជាក់ស្តែង​សេវា​សុខុមាលភាពសង្គម​សម្រាប់ប្រ​ជា​ជនក្រីក្រ ងាយ​រងគ្រោះ កុមារ ជនអនាថា ជនពិការ ជនរងគ្រោះ​ដោយ​អំពើ​ជួញដូរ​មនុស្ស ដោយ​ជំងឺអេដស៍ ដោយ​គ្រោះធម្មជាតិ មនុស្ស​ចាស់ មន្ត្រីរាជការ ស៊ីវិល និង​អតីតយុទ្ធជន ត្រូវបាន​ពង្រឹង​និង​ពង្រីក​ជា​បន្តបន្ទាប់​។ ក្នុងនោះ​
​ភាព​ងាយ​រងគ្រោះ​របស់​ប្រជាជន​ត្រូវបាន​កាត់បន្ថយ ហើយ​ការផ្តល់សេវាស្តារនីតិសម្បទា បណ្តុះបណ្តាល និង​ការធ្វើសមាហរណកម្មទៅ​សហគមន៍​វិញ ក៏ត្រូវ​បាន​ពង្រីក​។​

​ក្នុង​សន្និបាត​ប្រចាំឆ្នាំ​នោះ លោក អ៊ិត សំហេង រដ្ឋមន្ត្រីក្រសួង​សង្គមកិច្ច អតីតយុទ្ធជន និង​យុវនីតិសម្បទា ក៏បាន​លើកឡើង​អំពី​សមិទ្ធផល​ធំៗ ចំនួន ៦​ចំណុច ដែល​មន្ត្រី​គ្រប់ផ្នែក​គ្រប់​ថ្នាក់​អនុវត្ត​សម្រេចបាន​ជូន​ជាតិ ដូចជា ១. សេវា​សុខុមាលភាព​សង្គម​សម្រាប់​ជនក្រីក្រ​, ២. វិស័យ​សុខុមាលភាព​កុមារ​, ៣. វិស័យ​សុខុមាលភាព​ជនពិការ​, ៤. វិស័យ​អតីតយុទ្ធជន​, ៥. របប​សន្តិសុខ​សង្គម​សម្រាប់​មន្ត្រីរាជការ​ស៊ីវិល និង​៦. ក្រសួង​បាន​បង្កើន​កិច្ចសហការ​ជាមួយ​អង្គការ​មិនមែន​រដ្ឋាភិបាល​ចំនួន ១៩៧ ដែលមាន​គម្រោង​កម្មវិធី​សរុប​ជា​ទឹកប្រាក់​ចំនួន ១៧៤​លាន​ដុល្លារ​អាមេរិក​។​

​លោក​រដ្ឋមន្ត្រី​មានប្រសាសន៍​ទៀតថា ទន្ទឹមនឹង​ការរីកចម្រើន​ខាងលើនេះ នៅមាន​បញ្ហា​ប្រឈម​មួយចំនួន ដូចជា ឥទ្ធិពលនៃ​គ្រោះធម្មជាតិ បាន​បង្ក​ការលំបាក​ធ្វើ​ឲ្យ​ប៉ះពាល់​ដល់​ជីវភាព​រស់នៅ​របស់​ប្រជាជន​។ ស្ថិតក្នុង​ស្ថានភាព​នេះ រាជរដ្ឋាភិបាល​បានដាក់​ចេញ​នូវ​វិធានការ​មួយចំនួន ដើម្បី​ទប់ទល់​នឹង​បញ្ហា​ខាងលើនេះ ប្រកបដោយ​ប្រសិទ្ធភាព ធ្វើ​ឲ្យ​កំណើនសេដ្ឋកិច្ច​មាន​ភាព​វិជ្ជមាន ព្រមទាំង​បាន​បង្កើត​សំណាញ់​សុវត្ថិភាព​សង្គម សម្រាប់​ក្រុម​ជន​ងាយ​រងគ្រោះ ការសង្គ្រោះ​ដល់​ជនរងគ្រោះ​ដោយ​គ្រោះមហន្តរាយ​ជាយថាហេតុ​។​ល​៕S
E-Newspaper (រស្មីកម្ពុជា)
cen
រូបភាព
  • Neay kroch (1)
  • Prim liza
  • 2-lumbini-garden-nepal
  • 1
  • 09

Our Partners