ផ្តល់ព័ត៍មានរហ័សនិងអាចជឿទុកចិត្តបាន ជាមួយ Cambodia Express News

អប់រំ / សុខភាព

ប្រកាសចាប់ផ្តើមស្រាវជ្រាវអត្រាប្រេវ៉ាឡង់ ជម្ងឺរបេងលើកទី២ នៅកម្ពុជា

អ៊ីម៉ែល

បោះពុម្ព

មើលវីដេអូ

ថតចំលងទុក

ស្តាប់សំលេង

មើលរូបធំ

ដោយ : លីហូវ (ថ្ងៃទី 30 កក្កដា 2010)

Odcyzjrmmz
សិក្ខាសាលា ស្តីពី ការបង្ហាញពីការចាប់ផ្តើមការអង្កេតស្រាវជ្រាវរកប្រេវ៉ាឡង់ជម្ងឺរបេង ថ្នាក់ជាតិលើកទី២ នៅប្រទេសកម្ពុជា នាថ្ងៃទី៣០ ខែកក្កដា ឆ្នាំ២០១០ នៅសណ្ឋាគារខេមបូឌីយ៉ាណា៕

ភ្នំពេញ: ការអង្កេតស្រាវជ្រាវរកអត្រាប្រេវ៉ាឡង់ ជម្ងឺរបេង លើកទី២ នៅប្រទេសកម្ពុជា ត្រូវបានប្រកាស នាព្រឹកព្រឹកថ្ងៃទី៣០ ខែកក្កដា ឆ្នាំ២០១០ នៅក្នុងសិក្ខាសាលា នៅសណ្ឋាគារ កាំបូឌីយ៉ាណា។ ការអង្កេតស្រាវជ្រាវនោះ នឹងចាប់ផ្តើមនៅខែតុលា ឆ្នាំ២០១០ ។
     ការអង្កេតស្រាវជ្រាវរកប្រេវ៉ាឡង់ជម្ងឺរបេងថ្នាក់ជាតិលើកទី២ បានទទួលការឧបត្ថម្ភពីទីភ្នាក់ងារសហប្រតិបត្តិការអន្តរជាតិ នៃប្រទេសជប៉ុន ( JICA ) ទីភ្នាក់ងារសហរដ្ឋអាមេរិក ដើម្បីការអភិវឌ្ឍន៍អន្តរជាតិ ( USAID ) និងមូលនិធិសាកល ដើម្បីប្រយុទ្ធប្រឆាំងជម្ងឺអេដស៍ របេង និងគ្រុនចាញ់ ( GFATM ) ដែលកំពុងត្រូវបានត្រៀមរៀបចំ ដោយមជ្ឈមណ្ឌលជាតិកំចាត់មេរោគរបេង និងហង់សិន នៃក្រសួងសុខាភិបាលកម្ពុជា ។

    សេចក្តីប្រកាសព័ត៌មាន បានឲ្យដឹងថា ការអង្កេតស្រាវជ្រាវនោះ នឹងត្រូវអនុវត្តក្នុងភូមិចំនួន ៦២ កន្លែង ដែលត្រូវបានជ្រើសរើសទូទាំងប្រទេសកម្ពុជា និងមានអ្នកចូលរួមប្រមាណ ៤០.០០០ នាក់ ដែលមានអាយុចាប់ពី ១៥ ឆ្នាំឡើងទៅ ដោយមជ្ឈមណ្ឌលជាតិកំចាត់រោគរបេង និងហង់សិន ក្រោមជំនួយបច្ចេកទេសពី JICA និងអង្គការសុខភាពពិភពលោក ( WHO ) ។
    សេចក្តីប្រកាសព័ត៌មាន បានលើកឡើងថា ការទប់ស្កាត់ជម្ងឺឆ្លង ពិសេសការទប់ស្កាត់ជម្ងឺរបេង គឺជាអាទិភាពមួយ ក្នុងចំណោមអាទិភាពជាច្រើន នៃគោលដៅអភិវឌ្ឍន៍សហសវត្សរ៍ របស់កម្ពុជា។ មជ្ឈមណ្ឌលជាតិកំចាត់រោគរបេង និងហង់សិន បាន និងកំពុងប្រយុទ្ធប្រឆាំងចំពោះបញ្ហានេះ ដោយមានកិច្ចសហប្រតិបត្តិការជាមួយដៃគូជាតិ និងអន្តរជាតិ ។

    ការអង្កេតស្រាវជ្រាវរកប្រេវ៉ាឡង់ជម្ងឺរបេងថ្នាក់ជាតិ លើកទី១ នៅកម្ពុជា ក្នុងឆ្នាំ២០០២ បានបង្ហាញថា មានប្រជាជនកម្ពុជា ២៦៩ នាក់ ក្នុងចំណោម ១០០.០០០ នាក់ បានកើតជម្ងឺរបេង ដោយផ្ទុកមេរោគរបេង នៅក្នុងកំហាក ។
    តាមរយៈលទ្ធផលនោះ បង្ហាញថា ប្រទេសកម្ពុជា ជាប្រទេសមួយ ក្នុងចំណោមប្រទេស ដែលមានអ្នកផ្ទុកមេរោគរបេងខ្ពស់ នៅក្នុងពិភពលោក ៕