ផ្តល់ព័ត៍មានរហ័សនិងអាចជឿទុកចិត្តបាន ជាមួយ Cambodia Express News

ដំណឹងកីឡា

TV3 បង្កើតព្រឹត្តិការណ៍ដណ្តើមប្រាក់លានក្នុងធនាគារ

អ៊ីម៉ែល

បោះពុម្ព

មើលវីដេអូ

ថតចំលងទុក

ស្តាប់សំលេង

មើលរូបធំ

ដោយ : រស្មី (ថ្ងៃទី 22 កក្កដា 2010)

Njizmtlmmj
អ្នកប្រដាល់៤រូបដែលទើបដណ្តើមប្រាក់លានក្នុងធនាគាររបស់ ធីវី៣ ពីឆ្វេងទៅស្តាំ : ផុន ផាន់ណា , ជាម អាដាំ , វ៉ាន់ ចាន់វ៉ៃ , និង នួន ភិរក្ស

ភ្នំពេញ: សង្វៀន TV3 បង្កើតព្រឹត្តិការណ៍ដណ្តើមប្រាក់លាន ក្នុងធនាគារមួយ ដែលមានអ្នកប្រដាល់ជើងខ្លាំង៤រូប ចូលរួមប្រកូត ។

   ការប្រកួតចាប់ផ្តើមពីថ្ងៃទី ២៤ កក្កដានេះ ហើយមិនមែនជាការប្រកួត ដែលធ្វើតាមរូបមន្ត បន្ទាប់ពីចាប់ឆ្នោតវ៉ៃបានមួយប្រកួតហើយនោះ អ្នកចាញ់ត្រូវវ៉ៃអ្នកចាញ់ ហើយអ្នកឈ្នះវ៉ៃអ្នកឈ្នះនោះទេ ។

   សំរាប់ការប្រកួតនេះ ក្នុងចំណោមអ្នកប្រដាល់ទាំង ៤រូប ត្រូវមានកាតព្វកិច្ចវ៉ៃ ៣ប្រកួត ដោយមួយសប្តាហ៍វ៉ៃមួយប្រកួត គឺអ្នកចួលរួមទាំង ៤នាក់ ត្រូវចូលរួមប្រកួតគ្នា ។

   អ្នកប្រដាល់ទាំង ៤រូប នេះ គឺ ផុន ផាន់ណា ក្លឹបក្រសួងកសិកម្ម វ៉ាន់ ចាន់វ៉ៃ ក្លឹបព្រះខ័នរាជ ជាម អាដាំក្លឹបឃ្លាំងមឿងកីឡា និង នួន ភិរក្ស ក្លឹបក្រសួងមហាផ្ទៃ ។

   សំរាប់ថ្ងៃទី២៤ កក្កដាខាងមុខនេះ ដែលជាថ្ងៃចាប់ផ្តើមដំបូង ផុន ផាន់ណា ក្លឹបក្រសួងកសិកម្មប្រកួតជាមួយ ជាម អាដាំ ក្លឹបឃ្លាំងមឿងកីឡា ។

   ពួកគេពុំធ្លាប់ជួបគ្នាពីមុនមកទេ ។ អាដាំ ធ្លាប់ដណ្តើមបានឋានៈជាជើងឯក គុនខ្មែរ កាលពីប៉ុន្មានឆ្នាំមុន ។ ជាអ្នកប្រដាល់មួយរូបមានកណ្តាប់ដៃល្អគ្រាន់បើនោះ គេរ្តិ៍ឈ្មោះរបស់គេមិនលេចត្រដែតដូច ចាន់ណា ឡើយ ។

   ផាន់ណា ជាអ្នកប្រដាល់មួយរូបដែលមានផ្លែល្អគ្រប់បែបយ៉ាង ។ នោះបី ជាម អាដាំ គេមិនអាចមើលស្រាលបានក៏ពិតមែន តែគេជឿថា ផុន ផាន់ណា ប្រាកដជាឈ្នះ ក្នុងការប្រដាល់នេះ ។ មួយប្រកួតទៀត នួន ភិក្ស ក្លឹបក្រសួងមហាផ្ទៃ ប្រកួតជាមួយ វ៉ាន់ ចាន់វ៉ៃ ក្លឹបព្រះខ័នរាជ ។

   ភិរក្ស ជាអ្នកស្រករមុន របស់ ចាន់វ៉ៃ តែ ភិរក្ស លិចអណ្តែតខណៈដែល ចាន់វ៉ៃ ក្លាយជាអ្នកប្រដាល់លំបាកបង្ក្រាបនោះ ។ ភិរក្ស ជាអ្នកប្រដាល់ដែលច្រើនតែជួបសំណាងល្អ ដោយសារការវ៉ៃកែង ផ្សងព្រេងពេលទាល់ច្រក ។

   ចាន់វ៉ៃ ទាបជាង ភិរក្ស មែន តែកលល្បិចគេល្អ រហ័សរហួន ។ បើ ភិរក្ស មិនធ្វើឲ្យ ចាន់វ៉ៃ របួសទេ នោះប្រាកដជាលំបាក ដោយសារ ចាន់វ៉ៃ មិនខាន ។

   លោក ទី រ៉ាណាត អ្នកចាត់ចែងប្រដាល់ TV3 និយាយថា ក្នុងចំណោម ៤នាក់នេះ អ្នកដណ្តើមបានលេខ១ និងមានប្រាក់រង្វាន់៥០០ដុល្លារ ។

   ចំពោះការប្រកួតក្រៅព្រឹត្តិការណ៍ ដណ្តើមប្រាក់លាននោះ ទិត្យ សុវណ្ណគិរី ក្លឹបក្រសួងកសិកម្ម ប្រកួតជាមួយ កាន់ សុវណ្ណ ក្លឹបយុវជនកីឡាខេត្តកណ្តាល ។

   អ្នកប្រដាល់ទាំង ២រូបនេះ ពុំធ្លាប់ជួបប្រកួតគ្នាពីមុនមកទេ ។ សុវណ្ណ មួយរយៈនេះកំពុងធ្វើឲ្យគេចាប់អារម្មណ៍ តែគេចិត្តតូចណាស់ ឯ គិរី ចិត្តធំមហិមាខ្លាំងណាស់ ។

   ទោះបី សុវណ្ណ កំពុងធ្វើឲ្យគេចាប់អារម្មណ៍ក៏ពិតមែន តែគេជឿថា ទិត្យ សុវណ្ណគិរី មានឱកាសដណ្តើមឈ្នះច្រើនជាង ។ សល់ អាម៉ា នៃក្លឹបអាស៊ីកីឡាប្រកួតជាមួយ ធី ចន្ថា ក្លឹប PM ក្រុងភ្នំពេញ ។

   អ្នកប្រដាល់ទាំង២រូបនេះ មិនសូវមាននរណាស្គាល់ទេ តែមន្ត្រីខាងផ្គូរផ្គង ក្អេងក្អាងថា គេវ៉ៃមិនអន់ឡើយ ។ ឯរឿងឈ្នះរឿងចាញ់ ទាល់តែវ៉ៃចប់ទើបដឹង ។ ចំពោះការប្រដាល់សកល ក្នុងក្របខណ្ឌអាជីពវិញនោះ អាត មាស ក្លឹបអារុណរះ ប្រកួតជាមួយ ឡុង ឡាំដា ក្លឹបក្រសួងមហាផ្ទៃ ៕