ពលរដ្ឋថៃម្នាក់ពិតជាតក់ស្លុតយ៉ាងខ្លាំង គ្រាឃើញពស់វែកមកចូលសម្ងំក្នុងបង្គន់របស់ខ្លួន -នេះបើតាម UPI ។
វីដេអូឃ្លីបដែលថតនៅថ្ងៃទី ២០/១១ បង្ហាញឲ្យឃើញពលរដ្ឋក្រុងបាងកកម្នាក់ កំពុងប្រឹងយកទុយោរជ័រដើម្បីចាប់ពស់នេះចេញ ។ អ្នកថតវីដេអូប្រាប់ថា វាជាកូនពស់វែក។
បុរសដែលបង្ហោះវីដេអូឡើងបណ្តាញសង្គមសរសេរប្រាប់ថា ៖ “ខ្ញុំបានឃើញកូនពស់វែកនៅក្នុងបង្គន់!”។
តាមឃ្លីបនេះ គឺកូនពស់ប្រឹង “តដៃ” ដោយពុំព្រមចេញពីបង្គន់។ បុរសរូបនោះត្រូវវាយលើ គែមបង្គន់បង្កើតជាស្នូរធ្វើឲ្យវាខ្លាចហើយលូនចេញ។ គេពុំដឹងថា វាសនារបស់វាចុងក្រោយយ៉ាងណាទេ!៕
