បន្ទាយមានជ័យ ៖ ជនសង្ស័យម្នាក់កំពុងលួចជក់និងលក់គ្រឿងញៀនត្រូវបានកំលាំងមូលដ្ឋានកងរាជអាវុធហត្ថស្រុកម៉ាឡៃ និងកំលាំងអាវុធហត្ថខេត្តចាប់ឃាត់ខ្លួន ហើយកសាងសំណុំរឿងបញ្ជូនទៅតុលាការ។ ការបង្ក្រាបធ្វើឡើងកាលពីម៉ោង២រសៀល ថ្ងៃទី៦ ខែ ធ្នូ ឆ្នាំ២០១៧ នៅចំណុច ភូមិថ្មី ឃុំម៉ាឡៃ ស្រុកម៉ាឡៃ ខេត្តបន្ទាយមានជ័យ។
លោកវរសេនីយ៍ ស ប៊ុនសឿង មេបញ្ជាការរងកងរាជអាវុធហត្ថខេត្តបន្ទាយមានជ័យទទួលការងារគ្រឿងញៀនបានឲ្យដឹងថា ៖ ជនសង្ស័យជាមុខសញ្ញាចាស់មានឈ្មោះ គីមសាវ័ន្ត ភេទប្រុស រស់នៅភូមិថ្មី ឃុំម៉ាឡៃ ស្រុកម៉ាឡៃ ខេត្តបន្ទាយមានជ័យ។ វត្ថតាងដកហូតបានរួមមានរួមមាន ៖ គ្រឿងញៀនមេតំហ្វេតាមីនគ្រាប់ចំនួន៣៣៧គ្រាប់ ស្មើនិងទម្ងន់០.៥៦ក្រាម។ ឈ្មោះគីម សាវ័ន្តបានឆ្លើយសារភាពថារូបខ្លួនពិតជាបានជក់និងលក់គ្រឿងញៀនពិតប្រាកដ។
កំលាំងអាវុធហត្ថជំនាញបានកសាងសំណុំរឿងបញ្ជូនទៅតុលាការដើម្បីដាក់ទោស៕ ដោយ ៖ បន្ទាយ
