ខ្នុរជាផ្លែឈើផ្ទុកបរិមាណជាតិរ៉ែល្អៗជាច្រើនសម្រាប់សរីរាង្គ ដូចជាវីតាមីន A, C, B6, ប៉ូតាស្យូម, ជាតិសរសៃ, ម៉ាញ៉េស្យូម, កាល់ស្យូម, ដែក, ប្រូតេអ៊ីន,… ពិសេសវានៅផ្ទុកទាំង lignans, isoflavones និង sapopim ។ នេះសុទ្ធតែជាសារជាតិជួយសរីរាង្គប្រឆាំងទប់ទល់ជំងឺមហារីកមួយចំនួន (ពិសេសមហារីកពោះវៀន) ។
ប្រសិទ្ធភាពដ៏អស្ចារ្យមួយទៀតរបស់ផ្លែខ្នុរ គឺផ្គត់ផ្គង់បរិមាណអាហារូបត្ថម្ភរុក្ខជាតិដ៏ច្រើនសម្រាប់សរីរាង្គ ។ អាហារូបត្ថម្ភរុក្ខជាតិមានលទ្ធភាពទប់ស្កាត់ការកកើតរបស់កោសិកាមហារីក, ទប់ស្កាត់ការរីកចម្រើនទៅជាមហារីករបស់ស្នាមរលាកដំបៅក្នុងសរីរាង្គ ។ អាស្រ័យហេតុនេះ ប្រសិនអ្នកមានដំបៅក្រពះ, អ្នកគួរបរិភោគខ្នុរពេលពោះទទេ (ឬគម្លាតឆ្ងាយពីម៉ោងបាយ), វាអាចជួយសរីរាង្គប្រយុទ្ធប្រឆាំងទប់ទល់ស្ថានភាពនេះ ។
បរិមាណប៉ូតាស្យូមដ៏ច្រើនក្នុងផ្លែខ្នុរនឹងជួយរក្សាកម្រិតសម្ពាធឈាមធម្មតា និងបន្ថយហានិភ័យឈឺបេះដូង, ស្ត្រូកដល់កម្រិតទាបបំផុត ។
ក្រៅពីនេះ ខ្នុរនូវជួយឲ្យស្បែកស្អាត ដោយសារសម្បូរសារជាតិប្រឆាំងអុកស៊ីតកម្ម មានប្រសិទ្ធភាពពន្យឺតដំណើរការចាស់របស់រាងកាយ ។ បរិមាណទឹកដ៏ច្រើនក្នុងផ្លែខ្នុរជួយរក្សាសំណើមរបស់ស្បែក, ដូច្នេះហើយអ្នកបរិភោគខ្នុរជាប្រចាំនឹងមានស្បែកតឹង រលោង ហើយស្នាមជ្រួញលេចឡើងយឺតជាង ៕ លីសា
