សារព័ត៌មាន DailyMail កាលពីថ្ងៃទី១៨ ខែធ្នូ ឆ្នាំ២០១៨ បានចុះផ្សាយឲ្យដឹងថា សត្វដំរី១ក្បាល ត្រូវបានដឹងថា បានផ្លោះរបងចេញខាងក្រៅ ប៉ុន្តែ ជាអកុសល វាពុំអាចផ្លោះរួច និងជាប់គាំងនៅលើនោះចុកឆ្អល់រហូតដាច់ខ្យល់ងាប់តែម្តង ។
ហេតុការណ៍ដ៏រន្ធត់នេះ បានកើតឡើងនៅក្នុងតំបន់ Karnatak ស្ថិតនៅភាគខាងត្បូងនៃប្រទេសឥណ្ឌា ។ ហើយសាកសពសត្វដំរីដែលបានងាប់ក្នុងគ្រោះថ្នាក់ដ៏ពុំនឹកស្មាននេះ មានអាយុ ៤២ ឆ្នាំ ក៏ត្រូវបានពលរដ្ឋក្នុងតំបន់នាំគ្នាលើកទម្លាក់ចុះដីវិញ ។
ចំពោះរបងដែកលាតសន្ធឹងប្រវែង ៣២ ម៉ែត្រ នេះវិញ ត្រូវបានដឹងថា ធ្វើឡើងដើម្បីការពារហ្វូងដំរី ចូលស៊ីផលដំណាំរបស់គេប៉ុណ្ណោះ ៕ ដោយ៖ ឧត្តម
