ស្រីត្រកូលម៉េងម្នាក់នៅថ្ងៃទី ២៤ មីនា បានបន្លំជិះកង់ពណ៌បៃតង ខណៈពេលចូលរួមប្រកួតពានរង្វាន់ម៉ារ៉ាតុងអន្តរជាតិពីខេត្ត Chauzhon នៅខេត្ត Jiagsu នៅប្រទេសចិន ។ នៅពេលអ្នកឃ្លាំមើលម្នាក់សំឡឹងឃើញនាងម៉េងក៏ចុះពីលើកង់តាមសំណូមពររបស់មនុស្សនេះ តែក្រោយមកនាងបន្តបន្លំជិះកង់ទៀត ។
នាងបានដល់ទីក្រោយការ “រត់-ជិះកង់” ក្នុងរយៈពេល ៥ម៉ោង ៣៨នាទី ៣៦វិនាទី ប៉ុន្តែលទ្ធផលនេះពុំត្រូវបានទទួលយកទេ ។
លើសពីនោះទៀតនៅថ្ងៃទី ២៦ មីនា គណៈកម្មាធិការរៀបចំបានចេញប្រកាសដោយលើកឡើងថា ៖ នាងម៉េងបានបំពានបទកំណត់ ហើយហាមមិនឲ្យចូលរួមក្នុងវិញ្ញាសារម៉ារ៉ាតុងអស់មួយជីវិត ។
គួរកត់សម្គាល់ថា ការរត់ម៉ារ៉ាតុងនៅចិន តែងកើតមានរឿងកេងបន្លំពុំឈប់ឈរ ជាអាទិ៍ការប្រកួតនៅសឺជាំងពីខែវិច្ឆិកា ឆ្នាំ ២០១៨ មានមនុស្សជាង ២៥០នាក់ បានបន្លំ…ដើរផ្លូវកាត់! ៕ ចន្ទ្រា
