កំពង់ឆ្នាំង៖ ថ្ងៃសុក្រ១២កើត ខែបុស្ស ឆ្នាំរកានព្វស័ក ព.ស ២៥៦១ ត្រូវនិងថ្ងៃទី ២៩ ខែ ធ្នូឆ្នាំ ២០១៧ វេលាម៉ោង ១៤ និង ៣០ នាទីនៅចំណុចព្រៃអូរតាប៊ុន ភូមិស្នាពេជ្រ ឃុំឈូកស ស្រុកកំពង់ត្រឡាច បានបង្ក្រាបករណីរក្សាទុកជួញ ដូរនូវសារធាតុញៀនខុសច្បាប់ ដោយឃាត់ខ្លួនជនសង្ស័យ ៣នាក់ ជាមួយថ្នាំញៀនចំនួន៥កញ្ចប់ និង ទូរស័ព្ទ៣គ្រឿង។
ជនសង្ស័យដែលត្រូវឃាត់ខ្លួនរួមមាន ១.ឈ្មោះ ឯល ម៉ាត់ ភេទ ប្រុស អាយុ ២៤ឆ្នាំ ជាខ្មែរឥស្លាម មុខរបរមិនពិតប្រាកដ ។ ២.ឈ្មោះឡេះ យូ ភេទ ប្រុស អាយុ២៦ ឆ្នាំ ជាខ្មែរឥស្លាម មុខរបរមិនពិតប្រាកដ។ និង ៣.ឈ្មោះ ល័ស ទើត ភេទ ប្រុស អាយុ២២ ឆ្នាំ ជាខ្មែរឥស្លាម។ ជនសង្ស័យទាំង៣នាក់មានទីលំនៅក្នុងភូមិទួល ឃុំឈូកស ស្រុកកំពង់ត្រឡាច ខេត្តកំពង់ឆ្នាំង៕ ដោយ៖ ចៅសន
