ខ្សែទូរស័ព្ទក្តៅ តភ្ជាប់រវាងកូរ៉េទាំង២ បានមានសកម្មភាពសារជាថ្មី ក្រោយពេលរងការកាត់ផ្តាច់ ២ឆ្នាំ កន្លងមក គួរកត់សម្គាល់ថា ក្នុងរង្វង់ ២៤ម៉ោង ក្រោយពេលខ្សែទូរស័ព្ទនេះត្រូវបានតភ្ជាប់ កូរ៉េខាងជើង បានទូរស័ព្ទទៅកូរ៉េខាងត្បូងចំនួន៣លើក។
ថ្ងៃទី៣/១/២០១៨ វេលាម៉ោង៣និង៣០នាទី ខ្សែទូរស័ព្ទកូរ៉េខាងត្បូង បានឮស្នូររោទ៍ ។ កូរ៉េខាងជើងបានទូរស័ព្ទទៅកូរ៉េខាងត្បូង ហើយកូរ៉េខាងត្បូងទទួលភ្លាម។ ក្នុងកិច្ចសន្ទនារយៈ ២០នាទី គេពុំដឹងច្បាស់ថា ភាគីទាំងពីរបានជជែកគ្នាអំពីរឿងអ្វីខ្លះ។ រដ្ឋមន្ត្រីក្រសួងឯកភាពកូរ៉េខាងត្បូងនិយាយយ៉ាងខ្លីថា ៖ ភាគីទាំងសងខាងបានប្តូរយោបល់ និងត្រួតពិនិត្យបណ្តាបញ្ហាទំនាក់ទំនង។
សម្រាប់ការហៅទូរស័ព្ទ អ្នកហៅនឹងប្រើប្រាស់ទូរស័ព្ទពណ៌បៃតងមានបិទអក្សរថា “ភាគខាងជើង” ។ ដើម្បីទទួលទូរស័ព្ទគេនឹងប្រើទូរស័ព្ទពណ៌ក្រហម។ នៅលើអេក្រង់កុំព្យូទ័រមាន អក្សរ “ខ្សែរយៈទាក់ទងផ្ទាល់ជើង-ត្បូង” អមសងខាងនោះមាននាឡិកា២ បង្ហាញប្រាប់អំពីម៉ោងនៅប្រទេសនីមួយៗ។
ក្រោយការសន្ទនាលើកដំបូងបញ្ចប់ បណ្តាមន្ត្រីមកពីក្រសួងឯកភាពកូរ៉េខាងត្បូង បន្តឈរនៅទីនោះ។ ពួកគេដឹងថា កូរ៉េខាងជើង នឹងបន្តទូរស័ព្ទមកទៀត។ ២ម៉ោងក្រោយមក ខណៈពេលស្បៃរាត្រីបានគ្របដណ្តប់នោះ កូរ៉េខាងជើង បានបន្តទូរស័ព្ទចូលមក។ ភាគីកូរ៉េខាងជើងនិយាយថា “នេះអាចចាត់ទុកជាគំនូសប្រវត្តិសាស្ត្រមួយ”។
នៅវេលាម៉ោង ៩និង៣០ព្រឹក ថ្ងៃបន្ទាប់កូរ៉េខាងជើងបានបន្តហៅទូរស័ព្ទមកកាន់កូរ៉េខាងត្បូង ទាំងសងខាងសុទ្ធសឹងធ្វើការត្រួតពិនិត្យខ្សែរយៈទាក់ទងទើបបានតភ្ជាប់។ កូរ៉េខាងត្បូងបានសួរទៅភាគីកូរ៉េខាងជើងថា មានព័ត៌មានអ្វីដែរឬទេ? ។ កូរ៉េខាងជើងឆ្លើយតប ៖ ពុំមានទេ យើងខ្ញុំនឹងប្រកាសប្រាប់ប្រសិនមានសភាពការណ៍ថ្មី។
ដូច្នេះក្នុងអំឡុងពេលប្រមាណ២៤ម៉ោងស្រួលបួលផងនោះ កូរ៉េខាងជើងបានទូរស័ព្ទមកកូរ៉េខាងត្បូង ៣លើក៕ សូយន