ក្រសួងធនធានទឹក និងឧតុនិយម បានអះអាងថា កម្ពុជាកំពុងទទួលរងសម្ពាធទាបដែលនឹងបន្តអូសបន្លាយកាត់លើភាគខាងជើងកម្ពុជា ដែលបង្កទៅជាវិសម្ពាធមួយនៅក្នុងសមុទ្រចិនខាងត្បូង បាននឹងកំពុងរំកិលខ្លួនមកកាន់ឆ្នេរសមុទ្រវៀតណាមភាគកណ្តាល ។ វិសម្ពាធនេះនឹងបង្កឲ្យទៅជាប្រព័ន្ធសម្ពាធទាបនៅលើប្រទេសកម្ពុជា បង្កើនឥទ្ធិពលកាន់តែខ្លាំង ។
លក្ខណៈបែបនេះ នឹងធ្វើឲ្យអាកាសធាតុនៅព្រះរាជាណាចក្រកម្ពុជាមានស្ថានភាពដូចខាងក្រោម ៖
-ផ្ទៃមេឃមានសភាពអាប់អួ អាចនឹងមានភ្លៀងធ្លាក់ច្រើនជាប់ៗគ្នា ក្នុងក្របខ័ណ្ឌទូទាំងប្រទេស ពិសេសចាប់ពីថ្ងៃទី ១៣-២២ ខែតុលា ឆ្នាំ ២០១៧ ។
-រាជធានី-ខេត្តជាច្រើនអាចប្រឈមនឹងជំនន់ទឹកភ្លៀង ។
