កំពង់ឆ្នាំង៖បុរសម្នាក់ត្រូវរថយន្តបុកស្លាប់ ក្មុងខណៈពេលដែលជនរងគ្រោះកំពុងជិះម៉ូតូនៅលើកណាត់ផ្លូវជាតិលេខ៥ កាលពីវេលាម៉ោង១២ និង៤៥នាទី ថ្ងៃទី១០ ខែតុលា ឆ្នាំ២០១៧ ក្នុងភូមិសាស្ត្រឃុំស្វាយ ស្រុកសាមគ្គីមានជ័យ ខេត្តកំពង់ឆ្នាំង ។ប៉ូលីសបានអោយដឹងថា ករណីគ្រោះថ្នាក់ចរាចរណ៍នេះ បង្ករឡើងដោយរថយន្តម៉ាកស៊ីណា ពណ៍ទឹកប្រាក់ ពាក់ស្លាកលេខ 2.S. 48 40 ធ្វើដំណើរក្នុងទិសដៅពីត្បូងទៅជើង បានបុកម៉ូតូជនរងគ្រោះពីក្រោយពេញមួយទំហឹង បណ្តាលអោយអ្នកបើកបរម៉ូតូស្លាប់ភ្លាមៗនៅនឹងកន្លែងកើតហេតុ។
ជនរងគ្រោះនៅមិនទាន់ស្គាល់អត្តសញ្ញាណនៅឡើយទេដូច្នេះ បើបងប្អូនណាបាត់សមាជិកគ្រួសារ សូមទំនាក់ទំនងជាមួយលោកនាយប៉ុស្តិ៍នគរបាលរដ្ឋបាលឃុំស្វាយតាមរយៈទូរស័ព្ទលេខ 012783991 ; 0883119167 ។
ក្រោយពេលកើតហេតុ អ្នកបើកបររថយន្តបានរត់គេចខ្លួនបាត់ ដែលសមត្ថកិច្ចកំពុងធ្វើការស្រាវជ្រាវរកអត្តសញ្ញាណម្ចាស់រថយន្តបង្កគ្រោះថ្នាក់នេះ ដើម្បីកសាងសំណុំរឿងតាមនីតិវិធី៕ ដោយ៖ ចៅសន
