ភ្នំពេញ៖ រថយន្តម៉ាកPEU-CEOT មួយគ្រឿងបានបុករថយន្តព្រូសមួយគ្រឿង ហើយរថយន្តម៉ាកព្រូស ជ្រុសទៅបុករថយន្តមួយគ្រៀងទៀត និងម៉ូតូ៣គ្រឿងទៀតរងការខូចខាត។
ហេតុការណ៍នេះបានកើតឡើងកាលពីវេលាម៉ោង ៨និង៥០នាទីព្រឹកថ្ងៃទី២១ ខែសីហា ឆ្នាំ២០២០ស្ថិតនៅលើផ្លូវ១៨៦ កែងផ្លូវ២៥៣ ចំណុចមុខឃ្លាំងលក់ម៉ូតូមួយកន្លែង ក្នុងសង្កាត់ទឹកល្អក់ទី៣ ខណ្ឌទួលគោក រាជធានីភ្នំពេញ។
រថយន្តបង្កម៉ាកPEU-CEOTពណ៌ស ពាក់ផ្លាកលេខភ្នំពេញ2BG 0621។ រថយន្តរងគ្រោះម៉ាកព្រូសពាក់ផ្លាកលេខបរទេស (លេខឃ្លាំង)។
យោងតាមប្រភពព័ត៌មានពីកន្លែងកើតហេតុ បានឲ្យដឹងថា នៅមុនពេលកើតហេតុរថយន្តម៉ាកព្រូសបើកតាមបណ្តោយផ្លូវ២៥៣ ក្នុងទិសដៅពីជើងទៅត្បូង លុះមកដល់ចំណុចកើតហេតុ ស្រាប់តែមានរថយន្តមួយគ្រឿងម៉ាក PEU-CEOT បើកតាមបណ្តោយផ្លូវ១៨៦ ជ្រុលទៅពេញទំហឹងបណ្តាលឱ្យរថយន្តព្រូសប្លោងទៅបុករថយន្តមួយគ្រឿងទៀត រថយន្តហើយក៏ជ្រុលទៅចូលឃ្លាំងលក់ម៉ូតូ បុកម៉ូតូខូចខាត៣គ្រឿង រថយន្តទៅមុខលែងរួច។
រីឯរថយន្តព្រូសមួយគ្រឿង រងការខូចខាតតិចតួច បានបន្តដំណើរចាកចេញពីកន្លែងកើតហេតុ។
ក្រោយពីកើតហេតុ សមត្ថកិច្ចមូលដ្ឋានបានមកដល់ ទាក់ទងជំនាញមកវាស់វែង យករថយន្តទាំងពីរគ្រឿងនិងម៉ូតូដែលខូចខាត ទៅដោះស្រាយបញ្ចប់រឿង នៅអធិការដ្ឋានខណ្ឌ៕ដោយ៖ផាន់ណា
