ភ្នំពេញ ៖ ក្រសួងទេសចរណ៍បានឲ្យដឹងថា គិតត្រឹមខែសីហា ឆ្នាំ២០២០ លទ្ធផលនៃការចុះវាយតម្លៃការអនុវត្តវិធានសុវត្ថិភាពទេសចរណ៍ទូទាំងប្រទេសសរុបចំនួន ៨៩៥ទីតាំង។
ក្នុងនោះរួមមាន៖ សេវាកម្មស្នាក់នៅទេសចរណ៍បានចំនួន ៤៣០ទីតាំង, សេវាកម្មភោជនីយដ្ឋាន និងអាហារដ្ឋានទេសចរណ៍បានចំនួន ៣៩៩ទីតាំង, សេវាកម្មរមណីយដ្ឋាន និងសហគមន៍ទេសចរណ៍បានចំនួន ២៥ទីតាំង, សេវាកម្មដឹកជញ្ជូនទេសចរណ៍ផ្លូវទឹក និងផ្លូវគោកបានចំនួន ៣៤ទីតាំង, សេវាកម្មការីទេសចរណ៍ក្នុងស្រុកបានចំនួន ៧ទីតាំង។
ដោយឡែក លទ្ធផលនៃការចុះវាយតម្លៃការអនុវត្តវិធានសុវត្ថិភាពទេសចរណ៍ដោយថ្នាក់ក្រសួង សរុបចំនួន ១៣១ទីតាំង។ ក្នុងនោះរួមមានសេវាកម្មស្នាក់នៅទេសចរណ៍បានចំនួន ៨៥ទីតាំង, សេវាកម្មភោជនីយដ្ឋាន និងអាហារដ្ឋានទេសចរណ៍បានចំនួន ៣៩ទីតាំង, សេវាកម្មការីទេសចរណ៍ក្នុងស្រុកបានចំនួន ៧ទីតាំង។
លទ្ធផលនៃការចុះវាយតម្លៃការអនុវត្តវិធានសុវត្ថិភាពទេសចរណ៍ដោយថ្នាក់រាជធានី-ខេត្ត សរុបចំនួន ៧៦៤ទីតាំង សេវាកម្មស្នាក់នៅទេសចរណ៍បានចំនួន ៣៤៥ទីតាំង, សេវាកម្មភោជនីយដ្ឋាន និងអាហារដ្ឋានទេសចរណ៍បានចំនួន ៣៦០ទីតាំង, សេវាកម្មរមណីយដ្ឋាន និងសហគមន៍ទេសចរណ៍បានចំនួន ២៥ទីតាំង, សេវាកម្មដឹកជញ្ជូនទេសចរណ៍ផ្លូវទឹក និងផ្លូវគោកបានចំនួន ៣៤ទីតាំង។
គិតត្រឹមខែកក្កដា ឆ្នាំ២០២០ មូលដ្ឋានអាជីវកម្មទេសចរណ៍ដែលបានចុះបញ្ជីសរុបទូទាំងប្រទេសមានចំនួន ៩,៥៨៩ទីតាំង មានបុគ្គលិកបំរើការសរុបចំនួន ១០៥,១០៣នាក់។ មគ្គុទ្ទេសក៏ទេសចរណ៍សរុបចំនួន ៦,៥០៦នាក់ ក្នុងនោះភាគច្រើននៅខេត្តសៀមរាបចំនួន ៥,៣១០នាក់, រមណីយដ្ឋានទេសចរណ៍សរុបចំនួន ២៥៥ទីតាំង និង សហគមន៍ទេសចរណ៍សរុបចំនួន ៨៣ទីតាំង៕
ដោយ៖CEN
