ភ្នំពេញ៖និយាយដល់កញ្ញា Rose នោះកុំថាឡើយតែមនុស្សចាស់សូម្បីតែកូនក្មេងក៏ស្គាល់ច្បាស់ដូចថ្ងៃដែរ ដែលតារាសម្តែងស្រីរូបនេះកំពុងល្បីទទួលការចាប់អារម្មណ៍ នៅលើបណ្តាញសង្គម បន្ទាប់ពីផ្ទុះរឿងផ្ទួនៗដែលចុងក្រោយនេះទាក់ទងរឿងថាឲ្យមីងម្នាក់នៅបណ្តាញសង្គម Tik Tuk អត់ស្គាល់ក្រដាស១០ ក្រដាស២០ ព្រោះអត់ស្គាល់រូបនាងថាជានរណា? និងមួយទៀតល្បីស៊ីដាច់លុយជនបរទេសម្នាក់អស់ចំនួន ៥ ពាន់ដុល្លារ ក្រោយពីខ្ចីអត់សង។
បើទោះជាត្រូវមហាជនរិះគន់ រហូតដល់ថា្នក់ផេកមួយចំនួនយកមក Troll ឡើងកប់ៗយ៉ាងណា ក៏តារាស្រីហាក់ចរិតដូចកូនក្មេងរូបនេះមិនឈឺក្បាលហាលថ្ងៃឡើយ ដោយបង្វែរបរិយាសទៅច្រៀងបទចម្រៀងជាភាសាអង់គ្លេសប៉ុន្មានបទយ៉ាងឡូយដែលធ្វើឲ្យមហាជនឃើញហួសចិត្តជាខ្លាំងតែម្តង។
ជាការពិតណាស់ ក្រោយពីបានស្តាប់ការបកស្រាយរបស់កញ្ញា Rose រួច អ្នកប្រើប្រាស់បណ្តាញសង្គម បានលាន់មាត់សរសើរក្នុងន័យចំអកថា៖ «ពិរោះណាស់ គឺពិរោះកប់ស៊េរីតែម្តង, កំពូលតារាចម្រៀងគ្មានពីរក្នុងលោក, ពិរោះណាស់ គឺពីរោះមិនខុសពីគោអានអក្សរ»។
បើទោះជាបានដឹងថាខ្លួនឯងច្រៀងមិនពីរោះ ពុំទទួលបានការគាំទ្រយ៉ាងណាក្តី តែថ្មីៗនេះ កញ្ញា Rose ស្រាប់តែឆ្លើយតបទៅកាន់ហ្វេនដែលចង់ស្តាប់បទចម្រៀង តាមរយៈការឡាយថា «អរគុណអ្នកទាំងអស់គ្នា ដែលស្រឡាញ់ចែ Rose លើកទឹកចិត្តចែ Rose… ពេលចេញជាបទចម្រៀងចែ Rose នឹងប្រឹងច្រៀងឲ្យពីរោះ ឲ្យអ្នកទាំងអស់គ្នាស្តាប់ទៅរំជើបរំជួលក្នុងអារម្មណ៍…»។ តែទោះយ៉ាងណា Rose ក៏បានបង្ហាញអារម្មណ៍ក្តុកក្តួលខ្លាំងផងដែរ ក្រោយបានឃើញខមិនមិនសរសើរខ្លួន តែបែរជាចេញមកក្នុងន័យបង្អាប់កប់ៗ ដែលជាហេតុធ្វើឲ្យ Rose និយាយថា ហ្វេនៗ Rose ចេញមកសុទ្ធគួរឲ្យស្រឡាញ់ហ្មង និយាយទៅគឺសុទ្ធតែក្មេងៗរៀនសូត្រចេះដឹង!!៕ ដោយ៖ លឹម ហុង
