កំពង់ស្ពឺ៖ក្មេងស្រីអាយុ៣ឆ្នាំម្នាក់ បានត្រូវរថយន្តដឹកទឹកកក១គ្រឿងបើកថយក្រោយ ខ្វះការប្រុងប្រយ័ត្នក៏កិនស្លាប់យ៉ាងអាណោចអាធម៌ កាលពីរសៀល ថ្ងៃទី១៥ ខែតុលា ឆ្នាំ២០១៧ នៅផ្លូវលំ ក្នុងភូមិស្នោរទី១ សង្កាត់រការធំ។
មុនពេលកើតហេតុ មានរថយន្ត១គ្រឿង ម៉ាកហ៊ីយ៉ាន់ដាយ ពណ៌ខៀវ ដឹកទឹកកក បើកបរដោយឈ្មោះ ជា គឹមលៀង ភេទប្រុស អាយុ២៩ឆ្នាំ រស់នៅភូមិអង្គសិរី សង្កាត់រការធំ ក្រុងច្បារមន ពេលដែលដាក់ទឹកកកឲ្យម៉ូយរួចហើយ ក៏រថយន្ដ ដោយមិនបានប្រុងប្រយ័ត្ន ក៏កិនក្មេងស្រីម្នាក់ឈ្មោះ ហួន អូន អាយុ៣ឆ្នាំ រស់នៅភូមិកើតហេតុខាងលើបណ្តាលឲ្យស្លាប់នៅនឹងកន្លែងកើតហេតុតែម្តង។
ក្រោយកើតហេតុ អ្នកបើកបររថយន្ដបើកគេចបាត់ ហើយសមត្ថកិច្ចកំពុងស្រាវជ្រាវ និងតាមចាប់ខ្លួនយកមកចាត់ការតាមច្បាប់៕ ដោយ៖សំណាង