រតនគិរី៖កម្លាំងសមត្ថកិច្ចបានធ្វើការឃាត់ខ្លួនបុរសម្នាក់ ក្រោយពីធ្វើសកម្មភាពរំលោភសេពសន្ថវៈទៅលើនារីក្រមុំម្នាក់បានសម្រេច។ ការឃាត់ខ្លួននេះ ធ្វើឡើងនៅថ្ងៃទី១៥ ខែតុលា ឆ្នាំ២០១៧ នៅចំណុចចម្ការកៅស៊ូមួយកន្លែង ស្ថិតក្នុងភូមិត្រុំ ឃុំឡាមិញ ស្រុកបរកែវ ខេត្តរតនគិរី។
ជនសង្ស័យដែលឃាត់ខ្លួនឈ្មោះ ស្រ៊ន ម៉ៅ ភេទប្រុស អាយុ២៩ឆ្នាំ ជនជាតិខ្មែរ មុខរបរជៀរជ័រកៅស៊ូ។ ចំណែកនារីរងគ្រោះឈ្មោះ ម.ស.ផ អាយុ១៨ឆ្នាំ ជនជាតិខ្មែរ មុខរបរជៀរជ័រកៅស៊ូ អ្នកទាំង២ មានទីលំនៅក្នុងភូមិ-ឃុំកើតហេតុខាងលើ។ បច្ចុប្បន្ននេះជនសង្ស័យខាងលើ ត្រូវបានកម្លាំងជំនាញ បានកសាងសំណុំរឿងបញ្ជូនទៅសាលាដំបូងខេត្ត បន្តតាមនីតិវិធី៕ ដោយ៖ពិដោរ
