វៀតណាមដែលជាប្រទេសផលិតកាហ្វេរ៉ូប៊ូស្តា (Robusta) ធំជាងគេលើបំផុតនៅលើពិភពលោក បានក្លាយជាអ្នកផ្គត់ផ្គង់កាហ្វេធំជាងគេសម្រាប់ប្រទេសជប៉ុន ខណៈការទទួលទានកាហ្វេឆុងភ្លាមៗ ដែលប្រើកាហ្វេរ៉ូប៊ូស្តា កំពុងកើនឡើងនៅទីនោះ ក្នុងអំឡុងពេលមានជំងឺកូវីដ១៩។ នេះបើយោងតាមការរាយការណ៍ របស់ Nikkei Asia Review។
Nikkei Asia Reviewបានរាយការណ៍ថា មានមនុស្សកាន់តែច្រើនកំពុងធ្វើការពីផ្ទះក្នុងអំឡុងពេលមានវិបត្តិជំងឺកូវីដ ១៩ ដែលជំរុញឱ្យមានតម្រូវការកាហ្វេគ្រាប់កាហ្វេរ៉ូប៊ូស្តាតា ដែលភាគច្រើនត្រូវបានគេឆុងភ្លាមៗ។ ទន្ទឹមនឹងនេះដែរការលក់គ្រាប់កាហ្វេ អារ៉ាប៊ីកាដែលមានគុណភាពខ្ពស់ដែលពេញចិត្ត ដោយហាងកាហ្វេបានធ្លាក់ចុះ។
និន្នាការនេះបានធ្វើឱ្យវៀតណាម ជាអ្នកផលិតរ៉ូប៊ូស្តាលំដាប់កំពូលរបស់ពិភពលោក ដែលជាអ្នកផ្គត់ផ្គង់កាហ្វេលំដាប់កំពូល របស់ប្រទេសជប៉ុន និងបានទម្លាក់ប្រេស៊ីលមកនៅចំណាត់ថ្នាក់ទី ២។
ការដាក់ប្រទេសក្នុងគ្រាមានអាសន្ននៅជប៉ុន បានប្រកាសនៅដើមខែមេសា ដោយហាងកាហ្វេ និងភោជនីយដ្ឋាននៅទូទាំងប្រទេសត្រូវបានបិទ ក្នុងហាងកាហ្វេ Starbuck នៅជប៉ុនបានបិទហាងចំនួន ១.១០០ កន្លែង។ ការបិទទ្វារបានផ្តល់ផលប៉ះពាល់យ៉ាងខ្លាំងដល់តម្រូវការកាហ្វេអារ៉ាប៊ីកា។
ផ្ទុយទៅវិញតម្រូវការសម្រាប់ Robusta ដែលជាពូជដែលមានតម្លៃថោក និងរសជាតិចត់ជាងមុន ដែលត្រូវបានប្រើនៅក្នុងផលិតផលកាហ្វេឆុងភ្លាមៗ និងមានភាពរឹងមាំ ខណៈដែលការរឹតបន្តឹងលើការធ្វើដំណើរ ដោយសារកូវីដ១៩ ដែលប្រជាជនភាគច្រើននៅផ្ទះ។
តម្រូវការកាហ្វេឆុងភ្លាមៗបានកើនឡើង។ ការលក់ផលិតផលកាហ្វេឆុងភ្លាមៗនៅត្រីមាសទី ២ បានកើនឡើងប្រហែល ១០ ភាគរយបើប្រៀបធៀបទៅនឹងឆ្នាំមុន នេះបើយោងតាមអ្នកកែច្នៃចំណីអាហារ Ajinomoto AGF ។ ការផ្លាស់ប្តូរគំរូនៃការប្រើប្រាស់បានធ្វើឱ្យប៉ះពាល់ ដល់ការនាំចូលគ្រាប់កាហ្វេ ដែលមិនមានជាតិគីមីរបស់ជប៉ុន។
ទិន្នន័យពាណិជ្ជកម្មបានបង្ហាញថា វៀតណាម គឺជាអ្នកលក់គ្រាប់កាហ្វេគ្មានជាតិគីមី ដល់ប្រទេសជប៉ុនក្នុងរយៈពេល ៧ ខែដំបូងនៃឆ្នាំ ២០២០ ដែលមានចំនួន៦៧ ៣៩២ ត្រូវបាននាំចូលពីប្រទេសអាស៊ីអាគ្នេយ៍មួយនេះក្នុងអំឡុងពេល៧ខែ ដែលកើនឡើង២៦ពីមួយឆ្នាំទៅមួយឆ្នាំ៕
ប្រភព៖Nikkei Asia Review
ដោយ៖CEN
