ប្រធានាធិបតីស្រីលង្ការកាលពីថ្ងៃព្រហស្បតិ៍ទី ២៤ ខែកញ្ញា បានបញ្ជាឱ្យបញ្ឈប់គម្រោងផ្លូវដែកធុនស្រាល ដែលឧបត្ថម្ភថវិកាដោយជប៉ុនចំនួន ១,៥ ពាន់លានដុល្លារភ្លាមៗ ដោយនិយាយថា វាមិនមែនជាដំណោះស្រាយដែលមានប្រសិទ្ធភាព សម្រាប់ទីក្រុងកូឡុំបូ ដែលកំពុងកកស្ទះនោះទេ។
កិច្ចព្រមព្រៀងដែលបានចុះហត្ថលេខាក្រោមរដ្ឋាភិបាលមុន គឺជាគម្រោងហេដ្ឋារចនាសម្ព័ន្ធដែលផ្តល់មូលនិធិ ដោយបរទេសដ៏ធំបំផុតមួយនៅក្នុងប្រទេសស្រីលង្កា ហើយត្រូវបានគេមើលឃើញថា ជាសញ្ញាមួយបង្ហាញថា ប្រទេសកោះមួយនេះ អាចកាត់បន្ថយការពឹងផ្អែករបស់ខ្លួនលើប្រទេសចិន។
ប្រធានាធិបតីស្រីលង្កា PB Jayasundara ដែលទើបជាប់ឆ្នោតថ្មីៗ បាននិយាយនៅក្នុងលិខិតមួយ ដែលផ្ញើទៅកាន់ក្រសួងដឹកជញ្ជូនថា ត្រូវបញ្ឈប់គម្រោងនេះ និងបិទការិយាល័យគម្រោងនេះភ្លាមៗ។
ដោយឡែកមិនមានការអត្ថាធិប្បាយភ្លាមៗណាមួយទេ ពីទីភ្នាក់ងារសហប្រតិបត្តិការអន្តរជាតិជប៉ុន (JICA)ប្រចាំប្រទេសស្រីលង្ការ ដែលកាលពីខែមីនាឆ្នាំមុន ជប៉ុនបានផ្តល់ប្រាក់កម្ចី ៣០ ពាន់លានយ៉េន (២៨៥ លានដុល្លារអាមេរិក) ដើម្បីផ្តល់ហិរញ្ញប្បទានដល់ដំណាក់កាលទី ១ នៃរថភ្លើងដឹកអ្នកដំណើរធុនស្រាល (LRT) ។
ប្រាក់កម្ចីជប៉ុនមានអត្រាការប្រាក់ ០,១ ភាគរយហើយអាចសងក្នុងរយៈពេល ៤០ ឆ្នាំជាមួយនឹងរយៈពេលអនុគ្រោះ ១២ ឆ្នាំ។
ប្រទេសជប៉ុនបានផ្តល់ហិរញ្ញប្បទាន ដល់ផ្នែកផ្លូវល្បឿនលឿនថ្មីៗ និងជាស្ពានសំខាន់ ដើម្បីកាត់បន្ថយការកកស្ទះចរាចរណ៍ក្នុងនិងក្រៅរាជធានី។
ក្រោមការដឹកនាំរបស់អតីតប្រធានាធិបតី Mahinda Rajapaksa ដែលជាបងប្រុសរបស់ប្រធានាធិបតីស្រីលង្កា បានខ្ចីប្រាក់រាប់ពាន់លានដុល្លារ ពីប្រទេសចិន សម្រាប់គម្រោងដែលរួមមានកំពង់ផែ ផ្លូវហាយវេ និងផ្លូវដែក។ កម្ចីដ៏ច្រើនសន្ធឹកសន្ធាប់នេះ បានធ្វើឲ្យប្រទេសមួយនេះ ប្រឈមមុខនឹងបំណុលដ៏ច្រើន ជាពិសេសប្រទេសចិន ដែលធ្វើឱ្យមានការភ័យខ្លាច ចំពោះមេខ្សែក្រវ៉ាត់និងផ្លូវ របស់ទីក្រុងប៉េកាំងសម្រាប់
ហេដ្ឋារចនាសម្ព័ន្ធនៅបរទេស។ ដោយមិនអាចសងប្រាក់កម្ចីរបស់ខ្លួនបានទេ ពេលនោះរដ្ឋាភិបាលរបស់លោកនាយករដ្ឋមន្ត្រី Ranil Wickremesinghe បានជួលកំពង់ផែ ដែលសាងសង់នៅប្រទេសចិននៅ Hambantota នៅភាគខាងត្បូងកោះនេះ ទៅឱ្យក្រុមហ៊ុនប៉េកាំងក្នុងតម្លៃ ១,១២ ពាន់លានដុល្លារអាមេរិកក្នុងឆ្នាំ ២០១៧ ៕
ប្រភព៖ Reuters
ដោយ៖CEN
