ភ្នំពេញ៖ក្មួយស្រីសំណព្វចិត្តរបស់ ដេននី ខ្វាន់ ដែលត្រូវជាកូនស្រី អ្នកម្តាយដ៏ស៊ិចស៊ីចោមច័ន្ទ ស្រស់ស្អាត ទន់ភ្លន់ ដូចអប្សរសួគ៌ ក្នុងឈុតអប្សរាអង្គរ។
មុននេះបន្តិចគណនីហ្វេសបុករបស់លោក គឹម សាន្ត ដែលត្រូវជាពូបង្កើត ល្អហួស បានបង្ហោះរូបជាច្រើនសន្លឹករបស់ក្មួយស្រីក្នុងឈុតអប្សរាអង្គរ បានធ្វើអ្នកគាំទ្រលាន់មាត់សរសើរគ្រប់គ្នា ដោយសារតែនាងគ្រងឈុតនោះបានយ៉ាងសក្តិ សម និងស្រស់ស្អាតឥតទាស់ ហាក់ដូចទេពអប្សរសួគ៌។ ក្នុងការបង្ហោះនោះលោកបានភ្ជាប់មកជាមួយសំណេរយ៉ាងដូច្នេះថា «វិចិត្រករអើយកុំបាច់គូរអី ព្រោះសម្រស់អប្សរាស្រីនាងល្អលើសគំនូរ ( ឈុតអប្សរាខ្មែរ គ្រងដោយកុមារី ( ល្អហួស ) បើពេញចិត្តនិងស្រឡាញ់អប្សរារបស់ខ្មែរយើងសូមជួយស៊ែរម្នាក់មួយៗមក ដើម្បីឲ្យកូនខ្មែរជំនាន់ក្រោយបានស្គាល់បានដឹងថានេះជាសម្បត្តិរបស់ខ្មែរយើងពិតៗដែលប្រទេសជិតខាងមិនអាចចម្លងបាន នាំគ្នាចូលរួមថែរក្សាសម្បត្តិមួយនេះឲ្យបានគង់វង្សជារៀងតទៅ »។
បន្ទាប់ពីបង្ហោះមិនបានប៉ុន្មាននាទីផង មានអ្នកគាំទ្រជាច្រើនចូលមខមិន ដោយខ្លះថា «ពិតជារកកន្លែងទាស់គ្មានមែន » «ល្អហួសសមហ្នឹងឈ្មោះណាស់» «ស្អាតម្ល៉េះក្មួយមើលមិនចង់ស្គាល់» និងមតិខមិនសរសើរមិនដាច់ពីមាត់ពីរូបសម្រស់សក្តិ សមឥតខ្ចោះរបស់ក្មេងស្រីតូច ល្អហួស ក្នុងឈុតអប្សរាអង្គរ ដែលជាឈុតដែលស្ត្រីកម្ពុជាស្រមៃចង់គ្រងថតក្នុងមួយជីវិតឱ្យបានម្តង៕ ដោយ៖ កូលាប ក្រហម
