ភ្នំពេញ៖បុរសម្នាក់បើករថយន្តប្រភេទធុនធំមួយគ្រឿងទាំងបំពានភ្លើងស្តុកជ្រុលទៅបុករថយន្តពីរគ្រឿងរះទៅបុកម៉ូតូ បី គ្រឿងទៀតបណ្តាលឲ្យរងរបួសមនុស្សធ្ងន់ស្រាល បីនាក់ ។
ហេតុការណ៍ភ្ញាក់ផ្អើលនេះដែរ កើតឡើងនៅវេលាម៉ោង១០ និង ៣០នាទីយប់ ថ្ងៃអាទិត្យទី២៧ ខែកញ្ញា ឆ្នាំ ២០២០ នៅតាមបណ្តោយផ្លូវ ហាណូយត្រង់ចំណុចស្តុប ២៤ ម៉ោង សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។
បើយោងតាមប្រភពព័ត៌មានពីប្រជាពលរដ្ឋបានឲ្យដឹងថា មុនពេលកើតហេតុគេឃើញរថយន្តម៉ាក ម៉ាកឡិចស៊ីស ២០០t មួយគ្រឿងដែលពាក់ផ្លាកលេខ ភ្នំពេញ 2-BC 3359 ធ្វើដំណើក្នុងទិសដៅពីលិចមកកើតកំពង់រងចាំស្តុប ចំណែកឯរថយន្តមួយគ្រឿងទៀត ម៉ាកព្រូស ដែលពាក់ផ្លាកលេខ ភ្នំពេញ 2-BE0674 ធ្វើដំណើរក្នុងទិសដៅពីលិចមកកើតដូចគ្នារួមទាំងម៉ូតូ បី គ្រឿងទៀតកំពុងតែរង់ចាំស្តុបស្រាប់តែភ្លាមៗនោះ ដែលគេបានឃើញរថយន្តប្រភេទធុនធំមួយគ្រឿងទៀត ដែលពាក់ផ្លាកលេខ ភ្នំពេញ 3-C 4156 ធ្វើដំណើរក្នុងទិសដៅពីជើងមកត្បូងក្នុងល្បឿនលឿន មិនបង្អង់ស្រាប់តែមកដល់ត្រង់ចំណុចកើតហេតុស្តុប ២៤ ម៉ោងបើកទាំងបំពានស្តុបក៏ជ្រុលចង្កូតទៅបុករថយន្តពីរគ្រឿងនិងម៉ូតូ បី គ្រឿងទៀតបណ្ដាលឲ្យរងរបួសមនុស្សធ្ងន់និងស្រាល បីនាក់បញ្ជូនទៅសង្គ្រោះបន្ទាន់ភ្លាម ។ ចំណែកឯរថយន្តបង្កសមត្ថកិច្ចឃាត់បានទាំងរថយន្ត និងម្ចាស់យកទៅប៉ុស្តិ៍ ដើម្បីធ្វើការសួរនាំនិងចាត់ការតាមច្បាប់។
ក្រោយពេលកើតហេតុសមត្ថកិច្ចមូលដ្ឋាន សហការជាមួយនឹងជំនាញ ទាក់ទងទៅខាងចរាចរណ៍ក្រុង ឲ្យចុះមកវាស់វែងនិងធ្វើកំណត់ហេតុយករថយន្ត ពីរ គ្រឿងនិងម៉ូតូ បី គ្រឿងយកទៅរក្សាទុកនៅស្នងការក្រុង រង់ចាំដោះស្រាយនៅពេលក្រោយ៕ដោយ៖ សា មេត
