កំពង់ឆ្នាំង៖យុវជនម្នាក់ក្នុងចំណោមគ្នីគ្នា ៥ ទៅ ៦ នាក់ ត្រូវបានរថយន្តបែនដឹកដីបុកយ៉ាងពេញទំហឹង បណ្តាលឲ្យខ្ទាតបោកក្បាលទៅនឹងដី រងរបួសធ្ងន់ធ្ងរតែម្តង ព្រោះតែទង្វើឈរជជែកគ្នានៅលើចំណីផ្លូវថ្នល់ ឌឺដាក់ម៉ូតូរថយន្តបើកឆ្លងកាត់។
ហេតុការណ៍ដ៏រន្ធត់នេះ ត្រូវបានដឹងថា បានកើតឡើងបានកើតឡើង កាលពីព្រឹកថ្ងៃទី៣ ខែតុលា ឆ្នាំ២០២០ ស្ថិតនៅក្នុងភូមិថ្មី ឃុំពានី ស្រុកកំពង់ត្រឡាច ខេត្តកំពង់ឆ្នាំង។
តាមរយៈវីដេអូថតបានស្តែងៗ បានបង្ហាញឲ្យឃើញយុវជនមួយក្រុម បានកំពុងឈរជជែកគ្នានៅលើដងផ្លូវមុខផ្ទះ និងមួយសន្ទុះក្រោយមក គេក៏បានឮសម្លេងស៊ីប្លេខ្លាំងៗពីចំណាយពីរថយន្តបង្ក។ ប៉ុន្តែបើទោះជាបានឮស៊ីប្លេយ៉ាងណា ក៏គេសង្កេតឃើញយុវជនទាំងនោះឈរហាក់ធ្វើព្រងើយ។
តែយ៉ាងណា នេះជាខណៈពេលដ៏រន្ធត់ខ្លាំងណាស់ ខណៈដែលយុវជនដទៃបាននាំគ្នាដើរចូលក្នុង តែដោយឡែកយុវជនម្នាក់ចុងក្រោយគេហាក់នៅតែឌឺរថយន្ត ជាហេតុបណ្តាលឲ្យរថយន្តនោះដែលទំនងជាតៃកុងជើងល្អដែរ បើកមិនគេចបណ្តាលឲ្យបុកយ៉ាងពេញទំហឹងលាន់សូរផាំង ធ្វើឲ្យក្មេងស្រីជាអ្នកថតស្រែកឆោឡោឡើងស្លុតតែម្តង។
សូមចែករំលែកវីដេអូនេះទាំងអស់គ្នា ដើម្បីទុកជាមេរៀនដល់អ្នកដទៃ ជាពិសេសយុវជនទំនើងៗតាមស្រុកភូមិបានឃើញផងថា ទង្វើឌឺដាក់រថយន្ត គឺលទ្ធផលបែបនេះឯង៕ ដោយ៖ លឹម ហុង
