កំពង់ស្ពឺ៖ ភ្លៀងធ្លាក់យ៉ាងគំហុកជាប់ៗគ្នា ក្នុងរយៈពេលជិត១ខែមកនេះ បានបង្កជាទឹកជំនន់យ៉ាងធ្ងន់ធ្ងរ បណ្តាលឲ្យតំបន់ជាច្រើននៅតាមបណ្តាខេត្ត និងក្រុង ត្រូវលិចលង់ ជាពិសេសខេត្តបាត់ដំបង និងពោធិ៍សាត់ គឺជាទីកន្លែងដែលរងផលប៉ះពាល់ធ្ងន់ធ្ងរខ្លាំងតែម្តង។
ដោយឡែក កាលពីល្ងាចមិញនេះ អភិបាលខេត្តកំពង់ស្ពឺ ក៏បានប្រកាសអាសន្នថា ក្រុងច្បារមនទាំងមូល និងផ្នែកនៃស្រុកសំរោងទង នឹងត្រូវជនលិចខ្លាំង ដោយលោក វ៉ី សំណាង បានសំណូមពរបងប្អូនប្រជាពលរដ្ឋ រើអ៊ីវ៉ាន់ចេញពីផ្ទះជាបន្ទាន់ ដើម្បីទៅរកទីកន្លែងមានសុវត្ថិភាពឲ្យបានលឿនបំផុត។
ទន្ទឹមនឹងការប្រកាសខាងលើរបស់លោកអភិបាលខេត្ត ក៏ស្រាប់តែមានតៃកុងឡានចិត្តធម៌ម្នាក់បានប្រកាសនឹងជួយដឹកអ៊ីវ៉ាន់ជួនបងប្អូនអាជីវករ ដោយមិនយកថ្លៃឈ្នួលនោះទេ ប្រសិនទឹកលិចចូលក្នុងផ្សារកំពង់ស្ពឺ។
នេះបើយោងតាមគណនីហ្វេសប៊ុកឈ្មោះ អ៊ឹងសុខហេង បានធ្វើប្រកាសឲ្យដឹងថា៖ «បងប្អូនអ្នកនៅក្នុងផ្សារកំពង់ស្ពឺបើមានទឹកហូរចូលផ្សារមែនហើយអត់មានឡានដឹកអីវ៉ាន់ ខ្ញុំជួយដឹកអោយបានមិនថាយប់ឬក៏ថ្ងៃទេដោយមិនយកលុយទេបាទ (សូមអ្នកកំពង់ស្ពឺជៀសផុតពីទឹកជំនន់) 081 909333/060 909 333»៕ ដោយ៖ លឹម ហុង
