យើងគ្រប់គ្នាបានសន្មត់ថា តោគឺជាស្តេចសត្វដ៏មានអំណាចបំផុត នៅក្នុងពិភពសត្វតរិច្ឆានដទៃ ប៉ុន្តែ បើយើងក្រឡេកមកមើលវីដេអូប្រៀបធៀបខាងក្រោមនេះ ដែលបង្ហាញពីសកម្មភាពវាយប្រហារចំណីរវាងតោ និងខ្លា គឺខុសគ្នាឆ្ងាយណាស់ នោះមានន័យថា តោជាសត្វតរិច្ឆានដ៏កំសាក និងមិនរហ័សរហួនដូចខ្លាឡើយ។
តាមរយៈវីដេអូនេះ ដែលបង្ហាញពីជ្រុងមួយនៃការវាយប្រហារក្រពើ នោះសត្វតោត្រូវចាត់ទុកថា អន់ខ្លាំងណាស់ មិនមានចិត្តសឿងដូចខ្លានោះទេ ព្រោះថា ពួកវាធ្វើការទាល់តែព្រួតគ្នាទើបទៅរួច ហើយជូនកាលប៉ះចំចំណីមានឥទ្ធិពលដូចជាក្រពើជាដើម ក៌ត្រូវដាច់អាហារក៏មាន។
ចំណែកខ្លាវិញ មិននៅបង្អង់យូរឡើយ ឲ្យតែឃើញឱកាសល្អមកដល់ គឺវាហក់សង្គ្រប់ចំណីតែម្តង ហើយបើនិយាយពីកម្លាំងវិញគឺខ្លាំងអស្ចារ្យណាស់ ព្រោះថា សូម្បីសត្វក្រពើដ៏ធំមួយក្បាល ក៏វាពាំពីក្នុងទឹកឡើងគោកយ៉ាងងាយបំផុត ដែលធ្វើឲ្យគេលើកឡើងថា ខ្លាមានសំណាងជាងតោ ព្រោះតែពួកតោហាក់មានការពិបាកខ្លាំងក្នុងការចាប់ចំណី៕ ដោយ៖ លឹម ហុង
https://web.facebook.com/lifeorbeath/videos/2746311438950600/?vh=e&extid=0&_rdc=1&_rdr
