ភ្នំពេញ៖ ក្មេងស្រីអាយុជាង២ឆ្នាំម្នាក់ត្រូវបានជនមិនស្គាល់មុខចូលចាប់ដល់ក្នុងរបងផ្ទះរបស់នាង យកទៅបាត់តាំងពីវេលាម៉ោង ៣ និង ៥០ នាទី រសៀលថ្ងៃទី២៦ ខែតុលា ឆ្នាំ២០២០ ម្សិលមិញ ហើយរហូតមកទល់ពេលនេះ ឪពុកម្តាយរបស់នាងពុំទាន់រកឃើញនៅកូនស្រីរបស់ខ្លួននៅឡើយទេ។
នេះបើតាមគណនីហ្វេសប៊ុកឈ្មោះ Yaya Koko ដែលត្រូវជាម្តាយក្មេងស្រីខាងលើ បានប្រកាសស្វែងរកកូនស្រីខ្លួន ដោយបានរៀបរាប់ឲ្យដឹងថា៖ «នាងខ្ញុំបានបាត់កូនស្រីអាយុ២ឆ្នាំ៥ខែ ដោយមានជនមិនស្គាល់មុខ ចូលចាប់ដល់ក្នុងរបងផ្ទះ ស្ថិតនៅភូមិទ្វីខាងត្បូង សង្កាត់អណ្តូងខ្មែរ ក្រុងកំពត ខេត្តកំពត នៅវេលាម៉ោង ៣និង៥០នាទី នៅថ្ងៃទី២៦ ខែតុលា ឆ្នាំ២០២០។
សូមសំណូមពរឲ្យសមត្ថកិច្ច គ្រប់ស្ថាប័នជួយរកឲ្យនាងខ្ញុំផង ឬបើបងប្អូនណាបានឃើញ សូមទំនាក់ទំនងមកលេខ 070477079 នាងខ្ញុំសូមអរគុណទុកជាមុន»៕ ដោយ៖ លឹម ហុង
