FaceApp គឺជាកម្មវិធីមួយដែលកំពុងទាក់ទាញចំណាប់អារម្មណ៍អ្នកលេងបណ្តាញសង្គម ជាពិសេសយុវវ័យសម័យថ្មី ព្រោះថាកម្មវិធីនេះអាចធ្វើឲ្យយើងលេងសើចសប្បាយ តាមរយៈប្តូរមុខពីក្មេងទៅចាស់ ពីចាស់ទៅក្មេង ឬអាចប្តូរពីមុខស្រីទៅមុខប្រុស ពីមុខប្រុសទៅមុខស្រីបានយ៉ាងណា ដើម្បីចង់ដឹងថា ពេលប្តូរអ៊ីចឹងទៅថាតើទៅជាបែបណា?។
យ៉ាងណាមិញ ថ្មីៗនេះ គ្រប់គ្នានៅលើបណ្តាញសង្គម ពិតជាមានការភ្ញាក់ផ្អើលនិងចាប់អារម្មណ៍ខ្លាំងតែម្តង ក្រោយពីបានឃើញរូបភាពចែករំលែក បង្ហាញពីការប្តូរមុខមាត់ពីចាស់ទៅក្មេងរបស់មេដឹកនាំប្រទេសមហាអំណាចធំៗចំនួន ៦ រូប ដែលឃើញថា ពិតជាស្រស់ៗសង្ហារខ្លាំងណាស់ ពេលដែលឥទ្ធិពល FaceApp ប្រែក្លាយរូបពួកគាត់ទៅជាក្មេងបែបនេះ។
ក្នុងនោះមានដូចជា៖ ប្រធានាធិបតីអាមេរិកបច្ចុប្បន្នលោក ដូណាល់ ត្រាំ, អតីតប្រធានាធិបតីអាមេរិកលោក បារ៉ាក់ អូបាម៉ា, ប្រធានាធិបតីចិន ស៊ី ជិនពីង, មេដឹកនាំកូរ៉េខាងជើង គឹម ជុងអ៊ុន, នាយករដ្ឋមន្ត្រីជប៉ុន Shinzo Abe និងប្រធានាធិបតី ពូទីន៕ ដោយ៖ លឹម ហុង
