ភ្នំពេញ៖ ជនជាតិចិនបើករថយន្តម៉ាកហាយព្រីតមួយគ្រឿងទៅបុក រថយន្តនីសាន់មួយគ្រឿង និងម៉ូតូ ពីរមួយគ្រឿងទៀតពេញទំហឹងបណ្ដាលឲ្យ បុរសពីរនាក់រងរបួសស្រាល។ ហេតុការណ៍នេះបានកើតឡើងកាលពីវេលាម៉ោង១២និង១៥នាទីរសៀលថ្ងៃទី១៩ ខែវិច្ឆិកា ឆ្នាំ២០២០ ស្ថិតនៅតាមបណ្តោយផ្លូវ៣៧១ ក្នុងសង្កាត់បឹងទំពុនទី២ ខណ្ឌមានជ័យ រាជធានីភ្នំពេញ។
តាមប្រភពព័ត៌មានពីកន្លែងកើតហេតុបានឲ្យដឹងថា មុនកើតហេតុគេឃើញបុរសជនជាតិចិនពីរនាក់ បើករថយន្តម៉ាកហាយព្រីតមួយគ្រឿងពណ៌ស ពាក់ផ្លាកលេខភ្នំពេញ2AK-3110 ធ្វើដំណើរតាមបណ្ដោយផ្លូវ៣៧១ ក្នុងទិសដៅពីលិចទៅកើតលុះមកដល់ចំណុចកើតហេតុខាងលើ ក៏រេចង្កូតជ្រុលទៅបុក រថយន្តមួយគ្រឿងម៉ាកនីសាន់ពណ៌ស ពាក់ផ្លាកលេខភ្នំពេញ 2BE.5616 ជិះដោយបុរសម្នាក់រួមដំណើរនិងស្ត្រីម្នាក់ទៀត ធ្វើដំណើរតាមបណ្ដោយផ្លូវ៣៧១ទិសដៅពីកើតទៅលិចបុក មួយចំហៀង ក៏ជ្រុលទៅប៉ះម៉ូតូពីរគ្រឿងទៀត បណ្ដាលឱ្យបុរសជាជនរងគ្រោះដួលត្រូវបានម៉ូតូដួលពីលើទៅនឹងថ្នល់ បណ្ដាលឲ្យរងរបួសម្នាក់ចំណែកបុរសម្នាក់ទៀត រងរបួសស្រាលភ្លាមៗនោះត្រូវបានបងប្អូនដឹកយកទៅមន្ទីរពេទ្យ ។
ក្រោយកើតហេតុសមត្ថកិច្ចមូលដ្ឋាន បានចុះមកដល់ធ្វើការវាស់វែង និងយករថយន្តទាំងពីរនឹងវត្ថុតាង ទៅរក្សាទុកនៅស្នងការនគរបាលរាជធានីភ្នំពេញ ដើម្បីដោះស្រាយគ្នាតាមផ្លូវច្បាប់៕ ដោយ៖មីដា ផាន់ណា
