ភ្នំពេញ៖រថយន្តមួយគ្រឿងម៉ាកហ៊ីយ៉ាន់ដាយបើកបរបុករថយន្តពីរគ្រឿង ដែលឈប់ចតភ្លើងស្តុប បណ្តោលឲ្យរងការខូចខាតយ៉ាងដំណំ ហេតុការណ៍បានកើតទ្បើងនៅវេលាម៉ោង៩និង៤៦នាទីព្រឹក ថ្ងែទី៧ ខែធ្នូ ឆ្នាំ២០២០ ដែលទីតាំងស្ថិតនៅតាមបណ្តោយផ្លូវ30ម៉ែត្រ ក្នុងភូមិទួលពង្រ សង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញ។
តាមប្រភពព័ត៌មានពីបងប្អូនប្រជាពលរដ្ឋ បានឃើញហេតុការណ៍ បានឲ្យដឹងថា មុនពេលកើតហេតុ គេបានឃើញរថយន្តពីរគ្រឿង បានឈប់ចតភ្លើងស្តុប ហើយត្រូវបានរថយន្តម៉ាកហ៊ីយ៉ាន់ដាយមួយគ្រឿង ពណ៌ស ពាក់ផ្លាកលេខភ្នំពេញ3E2273 ហើយជ្រុលទៅបុករថយន្តម៉ាកRANGE ROVER ពណ៌ខ្មៅ ពាក់ផ្លាកលេខភ្នំពេញ2N6669 ចំពីក្រោយបណ្តោលឲ្យរងការខូចខាតយ៉ាងដំណំ
ចំណែកឯរថយន្តមួយគ្រឿងទៀត រងការខូចខាតបន្តិចបន្តួច ដោយមិនមានការទាមទារសំណងទេ។
ក្រោយពេលកើតហេតុ សមត្ថកិច្ចមូលដ្ឋានបានចុះមកដល់ ធ្វើការវាស់វែង និងយករថយន្តទាំងពីរមកគៀន ដើម្បីឲ្យភាគីបង្កនិយាយចរចាគ្នា ជាមួយភាគីរងគ្រោះ ដើម្បីបញ្ចប់រឿងនៅនឹងកន្លែងកើតហេតុ៕រក្សាសិទ្ធិដោយ៖មីដា ផាន់ណា
