កំពង់ឆ្នាំង ៖ ករណីពួកក្មេងពាលតាមស្រុកភូមិ ដែលមានគំនិតអាក្រក់ចង់បំផ្លាញរបស់ទ្រព្យអ្នកដទៃ ឬ ក៏មានគំនិតអ្វីផ្សេង ជាពិសេសទង្វើគប់កញ្ចក់រថយន្តនៅពេលយប់ គឺតែងកើតឡើងជារឿយៗ ដែលធ្វើឲ្យអ្នកដំណើរមានការព្រួយបារម្ភពីសុវត្ថិភាពជាខ្លាំង។
ជាក់ស្តែង ដូចករណីនេះជាដើម បានបង្កឲ្យតៃកុងឡានម្នាក់ រងរបួសនៅត្រង់មុខ ផ្នែកខាងលើទ្រូង និងឈាមហូរស្រោចពេញលើដៃ ដោយសារតែទទួលរងពីបំណែកកញ្ចក់ ដែលពួកក្មេងពាលបានគប់កញ្ចក់ឡានរបស់គាត់ ដែលឃើញហើយពិតជាគួរឲ្យអាសូរជាខ្លាំង។
នេះបើយោងតាមគណនីហ្វេសប៊ុកឈ្មោះថា បងសង្ហា ស៊ីអារម្មណ៍ បានបង្ហោះឲ្យដឹងថា៖ «មិនដែលសោះអាឡូវជួបនៅកំពុងឆ្នាំងម្ដុំសាលាទួលគ្រាំង ឆ្ងល់ពួកអាអត់កំណើត សំណាងហើយទឹកដោះម្ដាយថ្លៃ កុំអីនឹងវេចង្កូត ទៅបុកនឹងប៉ានណូងាប់បាត់ហើយ សូមបងសមត្ថកិច្ចខេត្តកំពង់ឆ្នាំងជួយមើលៗផង តាកុងឡានមិនដឹងអីទេ អរគុណប្អូនៗដែលធ្វើឲ្យរបួសស្រាល»។
តាមរយៈរូបភាពដ៏គួរឲ្យតក់ស្លុតខាងលើនេះ នោះមហាជនភាគច្រើនបានលើកឡើងថា ករណីបែបនេះគឺដោយសារមកពីគ្រឿងញៀន ទើបវាសាហាវអ៊ីចឹង៕ រក្សាសិទ្ធិដោយ៖ លឹម ហុង
