រដ្ឋមន្ត្រីក្រសួងសុខាភិបាលឥណ្ឌាលោក ហាស វាតហាន (Harsh Vardhan) កាលពីថ្ងៃសៅរ៍បាននិយាយថា បុគ្គលិកសុខាភិបាលនិងបុគ្គលិកជួរមុខចំនួន ៣០ លាននាក់នឹងទទួលបានវ៉ាក់សាំងការពារវីរុសកូវីដ១៩ ដោយឥតគិតថ្លៃក្នុងដំណាក់កាលដំបូងនៃការចាក់វ៉ាក់សាំង។
នៅក្នុងសេចក្តីថ្លែងការណ៍សង្ខេបមួយដែលបានសរសេរឡើងថា“ ក្នុងដំណាក់កាលទី ១ នៃការចាក់វ៉ាក់សាំងកូវីដ១៩ ការចាក់វ៉ាក់សាំងគឺធ្វើឡើងដោយឥតគិតថ្លៃ ហើយនឹងត្រូវផ្តល់ជូននៅទូទាំងប្រទេសដល់អ្នកទទួលបានអាទិភាព ដែលរួមមានអ្នកថែទាំសុខភាព ១០ លាននាក់ និងបុគ្គលិកជួរមុខចំនួន ២០ លាននាក់” ។ លោក ហាស វាតហាន (Harsh Vardhan) បានសរសេរនៅលើប្រព័ន្ធផ្សព្វផ្សាយសង្គមរបស់លោក។
លោកបានមានប្រសាសន៍ថា៖“ ព័ត៌មានលម្អិតអំពីវិធីដែលអ្នកទទួលអាទិភាពចំនួន ២៧០ លាននាក់ បន្ថែមទៀតនឹងត្រូវចាក់វ៉ាក់សាំងរហូតដល់ខែកក្កដាកំពុងត្រូវបានបញ្ចប់” ។ នៅព្រឹកថ្ងៃដដែល លោក Vardhan បាននិយាយថាវ៉ាក់សាំងការពារវីរុសកូវីដ១៩ នឹងមិនគិតថ្លៃសម្រាប់ប្រជាជននៅទូទាំងប្រទេស។
លោក Vardhan បានប្រាប់អ្នកសារព័ត៌មានថា៖« មិនត្រឹមតែនៅក្នុងទីក្រុងដេលីទេ វានឹងមានចាក់ដោយមិនអស់លុយនៅទូទាំងប្រទេស” ។
រដ្ឋមន្ត្រីក្រសួងសុខាភិបាលរូបនេះក៏បានអំពាវនាវដល់ប្រជាជន មិនត្រូវជឿលើពាក្យចចាមអារាមណាមួយ ទាក់ទងនឹងសុវត្ថិភាពនិងប្រសិទ្ធភាពនៃវ៉ាក់សាំងការពារវីរុសកូវីដ១៩ទេ។
លោកបានមានប្រសាសន៍ថា៖”ខ្ញុំចង់អំពាវនាវដល់ប្រជាជនកុំជឿលើពាក្យចចាមអារាមណាមួយ។លក្ខណៈវិនិច្ឆ័យសំខាន់របស់យើងនៅក្នុងការសាកល្បងវ៉ាក់សាំងគឺសុវត្ថិភាពនិងមានប្រសិទ្ធភាព”។
រដ្ឋាភិបាលសហព័ន្ធឥណ្ឌាត្រូវបានគេរំពឹងថានឹងចាប់ផ្តើមរៀបចំផែនការចាក់វ៉ាកសាំងចាប់ពីខែនេះតទៅនៅពេលដែលវ៉ាក់សាំងត្រូវបានអនុម័តដោយអគ្គនាយកដ្ឋានត្រួតពិនិត្យថ្នាំពេទ្យឥណ្ឌា (DCGI) ។ កាលពីថ្ងៃសៅរ៍ វាបានធ្វើការចាក់វ៉ាក់សាំងការពារវីរុសកូវីដ-១៩ នៅទូទាំងប្រទេសឥណ្ឌា។
នៅចំពោះមុខការចាក់វ៉ាក់សាំងជាក់ស្តែង ក្រសួងសុខាភិបាលនិងសុខុមាលភាពគ្រួសារនៅថ្ងៃនេះ បានធ្វើទីតាំងសាកល្បងទូទាំងប្រទេសនូវទីតាំងចំនួន ២៨៥សម្រាប់ចាក់វ៉ាក់សាំង ដើម្បីសាកល្បងប្រតិបត្តិការដែលបានគ្រោងទុកនៅចុងបញ្ចប់ដល់ដំណាក់កាលនិងយន្តការដែលត្រូវបានបង្កើតឡើងដើម្បីធានាឱ្យមានដំណើរការរលូននៃកម្មវិធីចាក់វ៉ាក់សាំងនេះ។ អ្នកនាំពាក្យរដ្ឋាភិបាលបាននិយាយថាការចាក់វ៉ាក់សាំង កូវីដ-១៩ រំពឹងថានឹងចាប់ផ្តើមឆាប់ៗនេះ។
ប្រទេសឥណ្ឌាបានរាយការណ៍ថាមានករណីឆ្លងវីរុសកូវីដ-១៩ ដែលមានចំនួនច្រើនជាងគេលំដាប់លេខ ២ នៅលើពិភពលោក។ ខ្លួនមានផែនការចាក់វ៉ាក់សាំងដល់ប្រជាជនចំនួន ៣០០ លាននាក់ក្នុងរយៈពេល ៦ ទៅ ៨ ខែបន្ទាប់៕
ប្រភព៖Xinhau
រក្សាសិទ្ធិដោយ៖CEN
