ភ្នំពេញ៖រថយន្តស៊េរីទំនើបមួយគ្រឿង បើកបក្នុងល្បឿនលឿន បានរេចង្កូតមកបុករបាំងថ្មពុះចែកផ្លូវ ពេញទំហឹងបណ្តាលឲ្យរថយន្តបាក់កង់មុខ ស្ទើរទាំងស្រុង ចំណែកតៃកុងរថយន្តវិញ នៅកន្លែងកើតហេតុធ្វើការដោះស្រាយ។
ហេតុការណ៍គ្រោះថ្នាក់ចរាចរណ៍នេះដែរ កើតឡើងនៅវេលាម៉ោង១១ និង ២០នាទីយប់ថ្ងៃទី៩ ខែមករា ឆ្នាំ ២០២១ ស្ថិតនៅតាមបណ្តោយផ្លូវ ២៨៩ ក្នុងសង្កាត់បឹងកក់ទី២ ខណ្ឌទួលគោក រាជធានីភ្នំពេញ។
ប្រភពព័ត៌មានពីប្រជាពលរដ្ឋនៅកន្លែងកើតហេតុ បានឲ្យដឹងថា មុនពេលកើតហេតុ គាត់បានឃើញរថយន្ត ស៊េរីទំនើប មួយគ្រឿងម៉ាក MG ពណ៌សពាក់ផ្លាកលេខ ភ្នំពេញ 2BI 1044 ធ្វើដំណើរតាមបណ្តោយផ្លូវ ២៨៩ ក្នុងទិសដៅពីជើងមកត្បូងក្នុងល្បឿនលឿន ខណៈមកដល់ចំណុចកើតហេតុ ស្រាប់តែរេចង្កូតជ្រុលទៅបុករបាំងថ្មពុះចែកផ្លូវពេញទំហឹង បណ្តាលឲ្យរថយន្តបាក់កង់មុខ រងការខូចខាតយ៉ាងដំណំ។ សំណាងល្អ ក្នុងករណីគ្រោះថ្នាក់ចរាចរណ៍នេះ មិនបង្ក របួសស្នាមទៅដល់ភាគីដទៃនោះទេ រងការខូចខាតតែរថយន្ត ។ ចំណែកឯរបាំងថ្មគ្រាន់តែរលាត់ថ្នាំតិចតួច។
ក្រោយពេលកើតហេតុ សមត្ថកិច្ចមូលដ្ឋានសហការជាមួយនឹងជំនាញចរាចរណ៍ខណ្ឌទួលគោក ចុះមកដល់ទីតាំងកន្លែងកើតហេតុ
រួចប្រគល់តួនាទីនេះ ទៅឲ្យខាងចរាចរណ៍ជំនាញក្រុង ចុះមកធ្វើការវាស់វែងនិងយករថយន្តស្ទូច មកស្ទូចយករថយន្តបង្កហេតុខាងលើ ទៅរក្សាទុកនៅខាងចរាចរណ៍ក្រុង រង់ចាំដោះស្រាយនៅពេលក្រោយ៕រក្សាសិទ្ធិដោយ៖ សា មេត
