ភ្នំពេញ៖ អំឡុងពេលបីថ្ងៃចុងក្រោយនេះ ភាគហ៊ុនតំបន់សេដ្ឋកិច្ចពិសេសភ្នំពេញ (PPSP) បានកើនឡើង១១,២ ភាគរយ ពី ១,១៦០រៀល កាលពីថ្ងៃចន្ទ មកដល់១,២៩០រៀលនៅព្រហស្បតិ៍ម្សិលមិញនេះ។
ស្របពេលជាមួយគ្នានេះ ភាគហ៊ុន កំពង់ផែស្វយ័តព្រះសីហនុ (PAS) និង ផេសថិក (PEPC) ក៏បានកើនឡើងផងដែរ ដល់ ១៤.០០០រៀល និង២.៨១០រៀល រៀងគ្នា។
ភាគហ៊ុនរដ្ឋាករទឹកស្វយ័តក្រុងភ្នំពេញ (PWSA) និងភាគហ៊ុនអេស៊ីលីដាវិញបានរក្សាថ្លៃថេរដដែលត្រឹម៦.២០០រៀល និង១៦.៧៨០រៀល។
ផ្ទុយទៅវិញ ភាគហ៊ុនហ្គ្រេនធ្វីន (GTI) និងភាគហ៊ុន កំពង់ផែស្វយ័តភ្នំពេញ (PPAP) បានធ្លាក់ចុះមកត្រឹម៣.៤០០រៀល និង១១.៥០០រៀល។
សន្ទស្សន៍ផ្សារមូលបត្រកម្ពុជានាថ្ងៃម្សិលមិញនេះ បានបន្តកើនឡើងចំនួន ០,១៣ភាគរយ ទៀត ដល់៦៣៨,៦១ ពិន្ទុ។ ក្នុងនោះទំហំជួញដូរភាគហ៊ុនសរុបមានចំនួន ១៥៤,៤៨ លានរៀល។ ភាគហ៊ុនតំបន់សេដ្ឋកិច្ចពិសេសភ្នំពេញ (PPSP) កំពង់ផែស្វយ័តក្រុងព្រះសីហនុ(PAS) និង និងធនាគារអេស៊ីលីដា (ABC) សុទ្ធតែមានចំណែកប្រហាក់ប្រហែលគ្នាចំនួន ៣១%៕
រក្សាសិទ្ធិដោយ៖CEN
