ភ្នំពេញ ៖ នៅថ្ងៃសុក្រនេះ សន្ទស្សន៍ផ្សារមូលបត្រកម្ពុជាបានបន្តកើនឡើងទៀតរហូតដល់ ៦៤៤,៩៣ ពិន្ទុ។ ផេសថិកគឺជាភាគហ៊ុនតែមួយគត់ដែលបានបង្ហាញនូវកំណើន និងបានបិទនៅ ៣.០០០រៀល។
ក្រៅពីភាគហ៊ុនកំពង់ផែស្វយ័តក្រុងភ្នំពេញដែលបានថយចុះ ២០រៀល មកត្រឹម ១១.៦៨០រៀល ភាគហ៊ុនប្រាំដែលនៅសល់ រួមមានរដ្ឋាករទឹកស្វយ័តក្រុងភ្នំពេញ ហ្គ្រេនធ្វីន តំបន់សេដ្ឋកិច្ចពិសេសភ្នំពេញ កំពង់ផែស្វយ័តក្រុងព្រះសីហនុ និង ធនាគារអេស៊ីលីដាបានរក្សាថ្លៃថេរដដែលត្រឹម ៦.០៨០រៀល ៣.៣០០រៀល១.៥១០រៀល ១៣.៧៨០រៀល និង១៧.០០០រៀល។ ទំហំជួញដូរភាគហ៊ុនសរុបមានចំនួន ១៨៦,០២ លានរៀល ដែលភាគហ៊ុនធនាគារអេស៊ីលីដា បានគ្របដណ្តប់ប្រមាណ ៥៦% នៃទំហំជួញដូរភាគហ៊ុនសរុប៕
រក្សាសិទ្ធិដោយ៖CEN
