ភ្នំពេញ ៖ ចៅក្រមស៊ើបសួរសាលាដំបូងរាជធានីភ្នំពេញនៅថ្ងៃទី១២ ខែកុម្ភៈឆ្នាំ២០២១ បានសម្រេច ចេញដីកាឃុំខ្លួនក្រុមឧក្រិដ្ឋជនជួញដូរថ្នាំញៀន ចំនួន៣នាក់ ដាក់ពន្ធនាគារព្រៃស ជាបណ្ដោះអាសន្ន ក្រោមការចោទប្រកាន់ពីបទ. ជួញដូរដោយខុសច្បាប់នូវសារធាតុញៀន ជាង១គីឡូក្រាម បន្ទាប់ពីចំណាយពេលសាកសួររយៈពេលពីរថ្ងៃ។
ចៅក្រមបានចោទប្រកាន់១.ឈ្មោះ ធឿន តុលា ភេទប្រុស អាយុ៣៣ឆ្នាំ ជនជាតិ ខ្មែរ ២.ឈ្មោះMATTEW DAVID SAMPLE ភេទប្រុស អាយុ៣០ឆ្នាំជនជាតិ អាមេរិក កាន់លិខិតឆ្លង ដែនលេខ:៥០៥៥៧៣២៦២ និង៣.ឈ្មោះ DAVID VINCENT ភេទប្រុស អាយុ៤៩ឆ្នាំ ជនជាតិ នីហ្សេរីយ៉ាត្រូវបានចូលរួមសម្របសម្រួសដោយផ្ទាល់ពីលោក ស៊ិត វណ្ណ: ព្រះរាជអាជ្ញារង នៃ អយ្យការអមសាលាដំបូងរាជធានីភ្នំពេញ។
សមត្ថកិច្ចបានបញ្ជាក់ថាការបង្ក្រាបក្រុមឧក្រិដ្ឋអនុវត្តតាមបញ្ជា លោកនាយឧត្ដមសេនិយ៍ សន្តិបណ្ឌិត នេត សាវឿន អគ្គស្នងការនគរបាលជាតិនិង លោកនាយឧត្ដមសេនិយ៍ ម៉ក់ ជីតូ អគ្គស្នងការរងទទួលផែនប្រឆាំងបទល្មើសគ្រឿងញៀន ដឹកនាំផ្ទាល់របស់លោក ឧត្ដមសេនីយ៍ឯក ឡឹក វណ្ណៈ នាយកមន្ទីរ ប្រឆាំងបទ ល្មើសគ្រឿងញៀន ស្រាវជ្រាវនិងឈានទៅបង្រាបករណីជួញ ដូរគ្រឿងញៀន ក្នុងភូមិសាស្ត្ររាជធានីភ្នំពេញចំនួន៣គោលដៅផ្សេងគ្នា ឃាត់ខ្លួនមនុស្ស៣នាក់។
គោលដៅទី១ នៅថ្ងៃទី០៥ ខែ កុម្ភ: ឆ្នាំ២០២១ នៅវេលាម៉ោង១៨ និង១៥នាទី នៅចំណុចគល់ស្ពាន ជ្រោយចង្វារក្បែរង្វង់មូលបាយ័ន ក្នុងសង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ។
គោលដៅទី២ នៅថ្ងៃទី៥ខែកុម្ភ: ឆ្នាំ២០២១ នៅវេលាម៉ោង១៩ និង១០នាទី នៅ ចំណុច មុខ ផ្សារដេប៉ូ ផ្លូវនិរុស ក្នុងសង្កាត់ផ្សារដេប៉េ២ ខណ្ឌទួលគោករាជធានីភ្នពេញ។
គោលដៅទី៣ នៅថ្ងៃទី០៦ ខែកុម្ភ: ឆ្នាំ២០២១ នៅវេលាម៉ោង៨ និង៣០នាទី នៅចំណុចផ្លូវលេខ៥ ក្នុងបូរីពិភពថ្មី(ចំការដូង) សង្កាត់ដង្កោ ខណ្ឌដង្កោ រាជធានីភ្នំពេញ។
សមត្ថកិច្ចដកហូតវត្ថុតាង១.ថ្នាំញៀនប្រភេទមេតំហ្វេតាមីន(ICE) ១គីឡូក្រាម ០១៤,០៨ ក្រាម ២ថ្នាំញៀនប្រភេទនីមេតាហ្សេប៉ាម(ICE) ៣០០,៦០ ក្រាម ៕ រក្សាសិទ្ធិដោយ៖CEN
