ភ្នំពេញ ៖ បន្ទាប់ពីមានការឡើងចុះបន្តិចបន្តួចនៅប្រមាណសប្តាហ៍ចុងក្រោយនេះ ភាគហ៊ុនកំពង់ផែ ស្វយ័តក្រុងភ្នំពេញ (PPAP) កាលពីថ្ងៃសុក្របានបង្ហាញនូវការកើនឡើងគួរឱ្យកត់សម្គាល់រហូតដល់៣០០រៀលក្នុងមួយហ៊ុន ដោយបានបិទនៅថ្លៃ១១.៩០០រៀល។
ផ្ទុយទៅវិញ ភាគហ៊ុនហ្គ្រេនធ្វីន (GTI) កំពង់ផែស្វយ័តក្រុងព្រះសីហនុ (PAS) និងធនាគារអេស៊ីលីដា (ABC) បានថយចុះ មកត្រឹម ៣.៣៣០រៀល ១៣.៥៦០រៀល និង១៧.០០០រៀល។
ភាគហ៊ុនរដ្ឋាករទឹកស្វយ័តក្រុងភ្នំពេញ (PWSA) ភាគហ៊ុនតំបន់សេដ្ឋកិច្ចភ្នំពេញ (PPSP) និងផេសថិក (PEPC) បានរក្សាថ្លៃថេរដដែល នៅថ្លៃបិទម្សិលមិញ។ សន្ទស្សន៍មូលបត្រកម្ពុជា (ផ.ម.ក.) បានធ្លាក់ចុះវិញ ០,១២ភាគរយ ក្នុងថ្ងៃនេះមកត្រឹម ៦៤៣,៨៦ ពិន្ទុ។ ទំហំជួញដូរភាគហ៊ុនសរុបមានចំនួនត្រឹម ១៥៨,២៣លានរៀល៕
រក្សាសិទ្ធិដោយ៖CEN
