ភ្នំពេញៈ នៅក្នុងអំឡុងពិធីបុណ្យចូលឆ្នាំចិនរយៈពេល ៤ថ្ងៃ គឺនៅថ្ងៃទី១១-១២-១៣-១៤ ខែកុម្ភៈ ឆ្នាំ២០២១ មានមនុស្សចំនួន ៩៧បានស្លាប់ និងរបួស នៅក្នុងគ្រោះថ្នាក់ចរាចរណ៍ទូទាំងប្រទេស។ គ្រោះថ្នាក់ចរាចរណ៍ដែលកើតឡើងដោយាសារអ្នកបើកបរពិសារស្រវឹង ល្មើសល្បឿន បត់ជែង ល្មើសសញ្ញា និងកត្តាផ្សេងៗ។
បើយោងតាមរបាយការណ៍របស់អគ្គស្នងការដ្ឋាននគរបាលជាតិបានដឹងថា គ្រោះថ្នាក់ចរាចរណ៍រយៈពេល ៤ថ្ងៃ ក្នុងអំឡុងពេលពិធីបុណ្យចូលឆ្នាំចិន គ្រោះថ្នាក់ចរាចរណ៍ទូទាំងប្រទេសបានកើតចំនួន ៤៩លើក រួមមានៈ
-នៅថ្ងៃទី១១ ខែកុម្ភៈ ឆ្នាំ២០២១ បានកើតឡើងចំនួន ១០លើក ស្លាប់មនុស្សចំនួន ២នាក់ និងរបួសចំនួន ១២នាក់ (ធ្ងន់ ៩នាក់ និងស្រាល ៣នាក់)។
-នៅថ្ងៃទី១២ ខែកុម្ភៈ ឆ្នាំ២០២១ បានកើតឡើងចំនួន ១៤លើក ស្លាប់មនុស្សចំនួន ៥នាក់ និងរបួស ១៨នាក់ (ធ្ងន់ ១០នាក់ និងស្រាល ៨នាក់)។
-នៅថ្ងៃទី១៣ ខែកុម្ភៈ ឆ្នាំ២០២១ បានកើតឡើងចំនួន ១១លើក ស្លាប់មនុស្សចំនួន ៧
និងរបួស ២២នាក់ (ធ្ងន់ ១២នាក់ និងស្រាល ១០នាក់)។
-នៅថ្ងៃទី១៤ ខែកុម្ភៈ ឆ្នាំ២០២១ បានកើតឡើងចំនួន ១៤លើក ស្លាប់ ៧នាក់ និងរបួស
២៤នាក់ (ធ្ងន់ ១៧នាក់ ស្រាល ៧នាក់)។
របាយការណ៍បានបញ្ជាក់ថា គ្រោះថ្នាក់ចរាចរណ៍ដែលកើតឡើងដោយាសារ ស្រវឹង ល្មើសល្បឿន បត់ជែង ល្មើសសញ្ញា…។ល។៕ រក្សាសិទ្ធិដោយ៖ចេស្តារ
