ខេត្តពោធិ៍សាត់ ៖ តាមសេចក្តីរាយការណ៍ពីខេត្តពោធិ៍សាត់ បានឲ្យដឹងថា ករណីគ្រោះចរាចរណ៍បណ្តាលបើកលឿនពេក ជ្រុលចង្កូតធ្លាក់ផ្លូវទៅបុកបង្គោលរបងស្លាប់ម្នាក់នៅនឹងកន្លែង ។
ហេតុការណ៍នេះកើតឡើងនៅវេលាម៉ោង ៦ និង ១៥ នាទីព្រឹកថ្ងៃទី ១៨ ខែកុម្ភៈឆ្នាំ ២០២១ នៅលើផ្លូវកៅស៊ូត្រង់ចំណុចត្រពាំងខ្ទុម ភូមិសំរោងឃុំសំរោង ស្រុកភ្នំក្រវាញ ខេត្តពោធិ៍សាត់។
សមត្ថកិច្ចស្រុកភ្នំពេញក្រវាញ បានប្រាប់អ្នកសារព័ត៌មានជាយុវជនម្នាក់ បានស្លាប់ភ្លាមៗនៅនឹងកន្លែងដោយសារករណីគ្រោះថ្នាក់ចរាចរណ៍ខាងលើ ជិះម៉ូតូម៉ាកឌ្រីមក្នុងល្បឿនលឿនជ្រុលចង្កូតធ្លាក់ពីលើចិញ្ចើមផ្លូវ រួចទៅបុកបង្គោលរបងពេញទំហឹង រងរបួសធ្ងន់ធ្ងរមិនអាចសង្គ្រោះបានទាន់ពេល។
សមត្ថកិច្ចនៃអធិការស្រុកភ្នំពេញក្រវាញ បញ្ជាក់ឲ្យដឹងទៀតថា ជនរងគ្រោះឈ្មោះវង្ស វណ្ណា ភេទប្រុសអាយុ ២៤ ឆ្នាំ រស់នៅក្នុងភូមិអូរជ្រៃ ឃុំកំរៀង ស្រុកកំរៀង ខេត្តបាត់ដំបង។
សាក្សីបានប្រាប់សមត្ថកិច្ចថា នៅមុនពេលកើតហេតុគេឃើញជនរងគ្រោះជិះម៉ូតូម៉ាកឌ្រីមតែម្នាក់ឯង ក្នុងទិសដៅពីលិចទៅកើតក្នុងល្បឿនយ៉ាងលឿន លុះមកដល់ចំណុចកើតហេតុ ស្រាប់តែធ្លាក់ពីលើចិញ្ចឹមផ្លូវទុកបង្គលរបងពេញទំហឹង បណ្តាលឱ្យស្លាប់ភ្លាមនៅនឹងកន្លែងតែម្ដង៕ រក្សាសិទ្ធិដោយ៖CEN
