តាកែវ៖ ឯកឧត្តម នួន ដាញ៉ិល រដ្ឋលេខាធិការក្រសួងអភិវឌ្ឍន៍ជនបទ នៅមានការព្រួយបារម្ភលើការងារអនុវត្តរបស់ក្រុមការងារ WATSAN ដែលត្រូវសម្រេចនៅទស្សនៈវិស័យនៃគោលនយោបាយរបស់រាជរដ្ឋាភិបាល ស្តីការផ្គត់ផ្គង់ទឹកស្អាត និងលើកកម្ពស់អនាម័យជនបទ ពីឆ្នាំ ២០១៤-២០២៥ ដោយបញ្ហាប្រឈមធំៗ ដែលប្រទេសកម្ពុជាយើងកំពុងជួបប្រទះ គឺជម្ងឺកូវីដ១៩ ដែលកំពុងវៃលុកខ្លាំងនៅទូរទាំងពិភពលោក បូកបញ្ចូលទាំងប្រទេសកម្ពុជា ហើយនឹងបញ្ហាបម្រែបម្រួលអាកាសធាតុនាពេលថ្មីៗនេះ ដែលចំណុចទាំងនេះវាសុទ្ធសឹងតែជាផលអវិជ្ជមាន ដែលយើងនឹកស្មានមិនដល់ ហើយជះឥទ្ធិពលខ្លាំងលើទស្សនៈវិស័យដែលបានកំណត់ ដូច្នេះដើម្បីឈានទៅរកការសម្រេចនៅគោលបំណងធ្វើឲប្រជាជននៅតាមតំបន់ជនបទទទួលបានសេវាផ្គត់ផ្គង់ទឹកស្អាត និងអនាម័យ ១០០ភាគរយ នៅឆ្នាំ២០២៥ ខាងមុខនេះ វាតម្រូវឲក្រុមការងារ WATSAN ត្រូវធ្វើការអនុវត្តលើទស្សនៈវិស័យនេះទ្វេដង ដូច្នេះសូមឲ្យសមាជិកនៃក្រុមការងារ WATSAN ក៏ដូចជាអង្គការដៃគូរសហការទាំងអស់ត្រូវតែខិតខំបន្ថែមទៅមុខបន្តទៀត ខណៈដែលគម្រោងរបស់យើងសម្រេចបានជិតដល់គោលដៅហើយ ។
ឯកឧត្តមរដ្ឋលេខាធិកាបន្តរថា អង្គវិបស្សនា ក្រុមការងារការផ្គត់ផ្គង់ទឹក ការសំអាត និងអនាម័យជនបទ ដែលបានរៀបចំឡើងនៅខេត្តតាកែវ រយៈពេល២ថ្ងៃ គិតពីថ្ងៃទី ១៨-១៩ ខែកុម្ភៈ ឆ្នាំ២០២១នេះជាលើកទី ៧ នៃក្រុមការងារ WATSAN ដែលរំពឹងទុកថា ក្រោយពីបានជួបជុំពិភាក្សានិងរៀនផ្លាស់ប្តូរបទពិសោធន៍ពីគ្នា ក្រុមការងារទាំងអស់និងកាន់តែមានការយល់ដឹងច្បាស់ លើការងារដែលកំពុងអនុវត្តបន្ថែមទៀត និងកាន់តែមានភាពល្អប្រសើរឡើងក្នុងការផ្លាស់ប្តូរឥរិយាបទបងប្អូនប្រជាពលរដ្ឋ នៅតាមទីជនបទ បានយល់ដឹងពីផលប៉ះពាល់ដោយសារកង្វះអនាម័យ និងមិនបានបរិភោគទឹកស្អាតជាប្រចាំ ឲ្យងាកមកទទួលទានទឹកស្អាត និងប្រើប្រាស់បង្គន់អនាម័យបានគ្រប់ខ្នងផ្ទះ ៕ រក្សាសិទ្ធិដោយ៖ តាកែវ
