ភ្នំពេញ ៖ រថយន្តម៉ាកKIA អកហ្សើបុករថយន្តRAV4 ខូចខាតទាំងសងខាង ហេតុការណ៍គ្រោះថ្នាក់ចរាចរណ៍ បានកើតឡើង កាលពីវេលាម៉ោង១០និង៥០នាទីព្រឹកថ្ងៃទី១៩ ខែកុម្ភៈ ឆ្នាំ ២០២១ ចំណុចស្តុបតាមបណ្តោយផ្លូវ៧០ ក្នុងសង្កាត់ទួលសង្កែទី១ ខណ្ឌឬស្សីកែវ រាជធានីភ្នំពេញ។
រថយន្ត ម៉ាកKIA ពណ៌សពាក់ផ្លាកលេខភ្នំពេញ2I 8640 បើកដោយបុរសម្នាក់។
រថយន្ត ម៉ាកRAV4 ពណ៌ខ្មៅពាក់ផ្លាកលេខភ្នំពេញ2Q 3761 បើកដោយបុរសម្នាក់ទិដៅស្របទិសគ្នា។
តាមប្រភពព័ត៌មានពីកន្លែងកើតហេតុ បានឲ្យដឹងថា នៅមុនពេលកើតហេតុរថយន្តទាំង ២ គ្រឿង បានបើកស្របទិសគ្នាតាមបណ្ដោយផ្លូវ ៧០ ក្នុងទិសដៅពីកើតទៅលិច លុះមកដល់ចំណុចកើតហេតុស្រាប់តែមានរថយន្តមួយគ្រឿង បើកកាត់មុខពេលនោះរថយន្តម៉ាករ៉េវហ្វរ បង្អង់ល្បឿនស្រាប់តែរថយន្តម៉ាកគាអកហ្សើជ្រុលទៅបុកគូទរថយន្តរ៉េហ្វរ បណ្ដាលឱ្យរងការខូចខាតទាំងសងខាងតែម្ដង។
ក្រោយពេលកើតហេតុភាគីទាំងសងខាង បានដោះស្រាយគ្នានៅកន្លែងកើតហេតុ ដោយភាគីខាងរថយន្តម៉ាកគា ចេញថ្លៃជួសជុលការខូចខាតទៅឲ្យរថយន្តម៉ាករ៉េវហ្វរ ដើម្បីបញ្ចប់រឿង៕ រក្សាសិទ្ធិដោយ៖សារឿន
