ភ្នំពេញ ៖ ក្រសួងធនធានទឹក និងឧត្តុនិយម កាលពីថ្ងៃទី២៣ ខែកុម្ភៈ ឆ្នាំ២០២១ បានចេញសេចក្តីជូនដំណឹង «ស្តីពីស្ថានភាពអាកាសធាតុចាប់ពីថ្ងៃទីចាប់ពីថ្ងៃទី ២៤ ខែកុម្ភៈ ដល់ថ្ងៃទី ២ ខែមីនា ឆ្នាំ ២០២១»។
ក្នុងនោះ ក្រសួងធនធានទឹក និងឧត្តុនិយម បានបញ្ជាក់ឲ្យដឹងថា ព្រះរាជាណាចក្រកម្ពុជា បាននិងកំពុងស្ថិតក្នុងស្ថានភាពកម្រិតសម្ពាធទាប ខ្សោយ ជាមួយនិងការបម្រែបម្រួល នៃទិសខ្យល់។ ស្ថានភាពបែបនេះ នឹងធ្វើឲ្យ ៖
១- បណ្តាខេត្តនៅ តំបន់វាលទំនាបកណ្ដាល ៖ -សីតុណ្ហភាព អប្បបរមា មានពី ២២-២៥ អង្សាសេ – សីតុណ្ហភាពអតិបរមា មានពី ៣៣-៣៦ អង្សាសេ – មានភ្លៀងពីផ្សែងក្រូច ទៅខ្សោយ។
២- បណ្តាខេត្តជាប់ជួរភ្នំដងរែក និងខ្ពង់រាបឦសាន្ត៖ – សីតុណ្ហភាព អប្បបរមា មានពី ២១-២៤ អង្សាសេ – សីតុណ្ហភាពអតិបរមា មានពី ៣៣-៣៦ អង្សាសេ – មានភ្លៀងពីផ្សែងក្រូចទៅខ្សោយ។
៣- តំបន់មាត់សមុទ្រ ៖ -សីតុណ្ហភាព អប្បបរមា មានពី ២១-២៤ អង្សាសេ – សីតុណ្ហភាពអតិបរមា មានពី ៣១-៣៤ អង្សាសេ – មានភ្លៀងពីផ្សែងក្រូច ទៅខ្សោយ។
អាស្រ័យស្ថានភាពធាតុអាកាសដូចបានជម្រាបជូនខាងលើ សូមសាធារណជនជ្រាបជា ព័ត៌មាន ៕ រក្សាសិទ្ធិដោយ៖ លឹម ហុង
