បន្ទាយមានជ័យ ៖ សមត្ថកិច្ចចម្រុះបានឆែកត្រួតពិនិត្យបច្ចេកទេសយានយន្ត ដូចសព្វ១ដង ក្នុងអំឡុងអនុវត្តអនុសាសន៍សម្តេចតេជោហ៊ុន សែន នាយករដ្ឋមន្ត្រី ក៏ចាប់បានឡានរត់ទូរដែលតែងដឹកមនុស្សអ្នកដំណើរ ហើយមកដឹកឈើប្រណិតចំនួន១គ្រឿង ។
ការចាប់នោះធ្វើឡើងកាលពីថ្ងៃទី២៧ ខែកុម្ភៈ ឆ្នាំ២០១៨ នៅលើផ្លូវជាតិលេខ៥ ចំណុចត្រួតពិនិត្យយានយន្តចល័តខាងលិចស្ពានទឹកថ្លា ភូមិ/សង្កាត់ទឹកថ្លា ក្រុងសិរីសោភ័ណខេត្តបន្ទាយមានជ័យ។
លោកឧត្តមសេនីយ៍ចាប សុផារិទ្ធ ស្នងការរងទទួលផែនបង្ក្រាបបទល្មើសនៃស្នងការដ្ឋាននគរបាលខេត្តបន្ទាយមានជ័យបញ្ជាក់ឲ្យដឹងថា : រថយន្តនោះម៉ាកសាំងយ៉ុង កូរ៉េ ពណ៌ខ្មៅប្រភេទទេសចរណ៍ពាក់ស្លាកលេខភ្នំពេញ ២M២៤៣៥។
ក្នុងរថយន្តមានដឹកបង្កប់ដឹកប្រភេទឈើលេខ១ មានឈើដុំប្រវែង ២ម៉ែត្រចំនួន២០ដុំ និងប្រវែង១ម៉ែត្រចំនួន២ដុំ ។ អ្នកបើករថយន្តនាមចុះគេចខ្លួនបាត់ ខណ:សមត្ថកិច្ចរវល់តែខ្វល់ខ្វក់ ត្រេកត្រអាលនឹងវត្ថុតាងឈើនោះ។
លោកបន្តថា អនុវត្តតាមបញ្ជាផ្ទាល់ពីលោកឧត្តមសេនីយ៍ទោ អាត់ ខែម ស្នងការនគរបាលខេត្តបន្ទាយមានជ័យ និងមានការសម្របសម្រួលពីលោក ព្រះរាជអាជ្ញានៃអយ្យការអមសាលាដំបូងខេត្តបន្ទាយមានជ័យ គឺសមត្ថកិច្ចនគរបាលបានស្ទាក់បង្ក្រាបឈើប្រណឹតក្រញូងដូចខាងលើ ។
លោកឧត្តមសេនីយ៍ ចាប សុផារិទ្ធិ បាននង្ហើបទៀតថា: រថយន្តដឹកឈើនោះអាចដឹកចេញពីព្រំដែនប្រទេសថៃចេញតាមច្រករបៀងខុសច្បាប់ឆ្ពោះចូលមកខេត្តបន្ទាយមានជ័យ ហើយឆ្លងកាត់ផ្លូវជាតិលេខ៥នាខាងលិចស្ពានទឹកថ្លាដូចដឋេលបានចាប់ខាងលើ ។
លុះដល់ថ្ងៃទី២៨ ខែកុម្ភៈ ឆ្នាំ២០១៨ សមត្ថកិច្ចចម្រុះ បានឆែកឆេរនិងវាយតម្លៃឈើដែលចាប់បាននោះហើយបានកសាងសំណុំរឿងបញ្ជូនទៅតុលាការដើម្បីចាត់ការតាមនិតិវិធីបន្ត៕ ដោយ ៖ បន្ទាយ
