ខ្សែភ្លើងអូតង់ស្យុងពិតជាគ្រោះថ្នាក់ណាស់ ប៉ុន្តែវាបែរជាក្លាយជា “វិថីឯករាជ្យ” របស់ពស់វែក ១ក្បាលនេះទៅវិញ។
ម្ចាស់ចម្ការមួយនៅអូស្ត្រាលី ថ្មីៗនេះបានចែករំលែកខ្សែវីដេអូបង្ហាញឲ្យឃើញពស់វែកដ៏ធំ១ក្បាល កំពុង “លេងសៀក” ពីលើខ្សែភ្លើង។
ទោះបីខ្សែភ្លើងមានទំហំតូចក្តី តែហាក់ពុំសំខាន់ចំពោះពស់វែកនេះទេ។ វាលូនទៅមុខយ៉ាងសុវត្ថិភាព និងស្ងៀមស្ងាត់ ទោះពេលខ្លះរកកលចង់ធ្លាក់ក៏វា “ដោះស្រាយ” បានយ៉ាងងាយដែរ។
ខ្សែភ្លើងអូតង់ស្យុងនេះត្រូវបានម្ចាស់ចម្ការទំពាំងបាយជូររៀបចំសំដៅកុំឲ្យសត្វសាហាវ “ឈ្លានពាន”ចូល ប៉ុន្តែបែរក្លាយជាវិធីឯករាជ្យសម្រាប់ពស់ធ្វើដំណើរទៅវិញ។
ពស់ក្នុង Clip ត្រូវបានដឹងថា ជាប្រភេទពស់វែកមានពិសខ្លាំងណាស់។ គិតៗទៅខ្សែភ្លើងនេះការពារបានតែសត្វមានដងខ្លួនធំៗ ហើយជើង “ជាប់ដី” ប៉ុណ្ណោះ៕ ចន្ទ្រា