ពិតណាស់ប្រិយមិត្តបានស្គាល់ហើយ តារាសម្តែងស្រី ម៉ាក សែនសូនីតា ហៅតូតា គឺជាតារាស្រីវ័យក្មេង ដែលពោរពេញដោយទេពកោសល្យសម្តែង បើទោះជាបានរៀបការមានប្តី មានកូនទៅហើយក្តី ប៉ុន្តែ ប្រជាប្រិយភាពរបស់នាង គឺនៅតែទទួលបានការគាំទ្រ ពីសំណាក់ប្រិយមិត្តទស្សនិកជនដដែល។ ជាពិសេសនោះ គឺរូបនាងទទួលបាននូវការស្រលាញ់ និងមើលថែថ្នាក់ថ្នម ពីស្វាមីយ៉ាងខ្លាំងថែមទៀតផង។
ដោយឡែក ថ្មីៗនេះ ម៉ាក សែនសូនីតា បានធ្វើឲ្យអ្នកលេងបណ្តាញសង្គម ជាពិសេសហ្វេនៗ មានការភ្ញាក់ផ្អើលមិននឹកស្មានដល់ ក្រោយពីនាងបានបង្ហោះប្រាប់ថា ដោយសារតែរឿងមួយនេះ ធ្វើឲ្យនាងទប់ចិត្តពុំបានស្ទុះវាយប្តី២កែង ទាំងកណ្តាលយប់។
ក្នុងនោះ ម្តាយវ័យក្មេងរូបនេះ បានរៀបរាប់ដំណើររឿងក្នុងយល់សប្តិឲ្យដឹងថា «សង្ឃឹមថាយប់នឹងអត់អីចុះ យប់មិញច្រលំវៃប្តី2កែងដៃ ដោយសារតែយើងស្រលាញ់ប្តីស្មោះពេកឈប់បានឈប់ទៅណា ឈប់មកតាមញ៉ែខ្ញុំ ខ្ញុំមានប្តីមានកូនរួចហើយ កុំយករូបរាងសង្ហារសាច់ដុំមកញ៉ែអី មិនអាចទៅរួចទេ ហើយកុំមកចង់អូសខ្ញុំទៅ ខ្ញុំមិនទៅដាច់ខាត ឃើញខ្ញុំដាល់ហេស៎ ឃើញខ្ញុំខឹងខ្ញុំវៃហេស៎ វៃ វៃរហូត វៃទាល់តែវៃត្រូវប្តីខ្លួនឯង2កែងដៃ បានខ្ញុំភ្ញាក់ដឹងខ្លួន យី…មួម៉ៅតាសយល់សប្តិល្អៗមិនយល់ មកយល់សប្តិចឹងៗអី នេះសំណាងហើយគ្រាន់តែជាយល់សប្តិ កុំPol Viboរច័ណ្ឌងាប់… Pol Vibo»។
តាមរយៈការយល់សប្តិនេះផងដែរ គឺនាងចង់បញ្ជាក់ថា សម្រាប់ពេលនេះ នាងមានតែប្តីម្នាក់គត់ និងកូនជាទីស្រឡាញ់ប៉ុណ្ណោះ ដែលមិនអាចមានប្រុសផ្សេងណា មកចង់ទាក់ទងរញ៉េរញ៉ៃឡើយ ទោះអ្នកមានរូបរាងសង្ហារយ៉ាងណាក៏ដោយ៕ រក្សាសិទ្ធិដោយ៖ លឹម ហុង
