ពពែកអម្បូរ Damacus ដែលរងការបម្រែបម្រួលហ្សែននៅអេហ្ស៊ីប ត្រូវបានគេប្រសិទ្ធនាមថា ពពែបិសាច ព្រោះវាមានក្បាលដ៏ធំ ស្បែកក្រោមមាត់ជ្រីវជ្រួញ និងថ្ងាសទូលាយ ។ ក្នុងខ្សែវីដេអូបង្ហាញឲ្យឃើញថា ពពែនេះ ឈរដោយប្រើជើងពីរខាងក្រោយ ចំណែកជើងខាងមុខប្រទាក់នឹងរបាំងទ្រុង ។ ទំហំរបស់វាពិតជាធំ ខណៈពេលដែលយើងឃើញពពែដទៃក្បែរវាតូចៗណាស់ ។
ពពែនេះហៅថា ពពែ Damacus
អម្បូរពពែដែលត្រូវបានគេប្រែប្រួលហ្សែននេះ វាផ្តល់ទឹកដោះច្រើនឆាប់កើតកូន ហើយសាច់វាមានរសជាតិឆ្ងាញ់ ។ ប្រជាជននៅមជ្ឈិមបូព៌ានិយមចូលចិត្តពពែនេះណាស់។
តាម Newsweek ពពែបាមួយនេះត្រូវបានម្ចាស់របស់វាទុកបង្កាត់ជាមួយនឹងពពែញីធម្មតា ដើម្បីបង្កើតបានកូនមានរូបរាងពុំចម្លែកហួសហេតុ ។ អម្បូរពពែនេះមានតម្លៃថ្លៃនៅតំបន់ ឈូងសមុទ្រអារ៉ាប់ដែលបាពពែ១ក្បាល មានតម្លៃដល់ទៅ ៦៧.០០០ដុល្លារ ឯណោះ៕
