ជឿថា ប្រិយមិត្តអ្នកលេងបណ្តាញសង្គម ប្រាកដណាស់បានស្គាល់រួចហើយ ពីក្មេងស្រីម្នាក់មានឈ្មោះថា ល្ហហួស ដែលត្រូវជាកូនស្រីបង្កើតរបស់តារាហ្វេសប៊ុកអ្នកនាង ដេនីក្វាន់។ ពិតណាស់ ក្មេងស្រីម្នាក់នេះ ត្រូវបានមហាជនទូទៅ មានការចាប់អារម្មណ៍ជាខ្លាំង ទៅលើមិនថាទាំងរូបសម្រស់ និងសមត្ថភាពសិល្បៈរបស់នាងតូច ដែលមានដុងតាំងពីកំណើតដ៏មិននឹកស្មានដល់។
ជាក់ស្តែង ថ្មីៗនេះនាង ល្អហួស បានធ្វើឲ្យពុកម៉ែបងប្អូននៅក្នុងបណ្តាញសង្គម ផ្ទុះការសរសើរព្រោងព្រាតតែម្តង ចំពោះការច្រៀង Cover ចម្រៀងមួយបទ ដែលមានចំណងជើងថា «រាត្រីឡាំបាដា» ដែលជាសំនៀងដើមរបស់តារាចម្រៀងអ្នកស្រី សុង សេងហ៊ន ដែលជាអ្នកចម្រៀងកាលពីជំនាន់ដើមម្នាក់ ក៏ទទួលបានភាពល្បីល្បាញផងដែរ។
តាមរយៈបទចម្រៀងមួយបទនេះ ជាមួយកាយវិការរាំគ្រលែងចង្កេះដ៏ល្វតល្វន់ និងចេះលេងទឹកមុខដ៏ទាក់ទាញក្មេងស្រីដ៏ស្រស់ស្អាតរូបនេះ បានស្រូបយកការចាប់អារម្មណ៍របស់មហាជនយ៉ាងច្រើនលើសលុប និងព្រមទាំងការកោតសរសើរពុំដាច់ពីមាត់នោះទេ។ ហើយក្នុងនោះ ដល់ថ្នាក់បងប្អូនអ្នកលេងបណ្តាញសង្គមបានខមិនថា «មីងនិយាយតាមត្រង់ហ្មង ស្អប់កូនហឹ្នងខ្លាំងណាស់ ឲ្យតែចេញមកម្តងៗ ធ្វើឲ្យមីងភ្លេចបាយភ្លេចទឹកអស់ហើយ ព្រោះរវល់តែមើលក្មួយ ឆាប់ធំអោយលឿនទៅកូន ទៅប្រលងបវរកញ្ញា»។ រីឯអ្នកខ្លះទៀត ក៏សួរថា «ល្អហួស, តើជាកូនរបស់បងស្រីមួយណាទៅក្នុងចំនោមបងប្អូនស្រីទាំង៣នាក់? ល្អហួស ស្អាតណាស់!» និងនៅមានពាក្យសរសើរយ៉ាងច្រើនអនេកទៀត ដែលលើកយកមករៀបរាប់មិនអស់៕ រក្សាសិិទ្ធិដោយ៖ លឹម ហុង
