ដូចដែលបងប្អូនបានដឹងហើយថា ឧកញ៉ា ម៉ុង ប្ញទ្ធី ត្រូវបានមហាជនទទួលស្គាល់ថា គឺជាឧកញ៉ាចិត្តធម៌មួយរូប ដែលពុំត្រឹមផ្តល់ការងារដល់ពលរដ្ឋខ្មែររាប់ម៉ឺននាក់ មានការងារធ្វើប៉ុណ្ណោះទេ គឺថែមទាំងផ្តល់ទីជម្រកស្នាក់នៅដល់ពួកគេទៀតផង។ លើសពីនេះ លោកក៏តែងតែធ្វើទង្វើមនុស្សធម៌ផ្សេងៗទៀត ទៅដល់ជនទីទ័លក្រផងដែរ ដែលពិតជាគួរឲ្យគោរពសរសើរជាខ្លាំង។
តែដោយឡែក ថ្មីៗនេះ លោកឧកញ៉ា ម៉ុង ប្ញទ្ធី បានធ្វើឲ្យមហាជន ពិតជាមិននឹកស្មានដល់សោះ ខណៈលោកឧកញ៉ា បានដាច់ចិត្តលើករឿងដ៏ឈឺចាប់បំផុតមួយ ដែលសឹងតែជាងកន្លះជីវិតរបស់លោក ពុំធ្លាប់ដែលជួបមនុស្សរមើលគុណម្នាក់បែបនេះ ដែលជាមនុស្សលោកបានផ្តល់ការងារឲ្យធ្វើ និងសូម្បីជួយជ្រោមជ្រែង តែនៅទីបំផុត បានសងគុណលោកនូវទង្វើដ៏មិនគួរកប្បីសោះឡើយ។
ក្នុងនោះ ឯកឧត្តមបណ្ឌិត ម៉ុង ប្ញទ្ធី បានលើកឡើងអំពីរឿងនេះតាមរយៈទំព័រហ្វេសប៊ុករបស់លោក កាលពីថ្ងៃទី១៧ ខែសីហា ឆ្នាំ២០២១ ដើម្បីឲ្យបងប្អូនមហាជនបានដឹងយ៉ាងដូច្នេះថា៖ ថ្ងៃនេះខ្ញុំលេីកយកករណីហួសចិត្ត ដែលជាងកន្លះជីវិតទៅហេីយ ទេីបតែជួបមនុស្សរមេីលគុណដែលយេីងនិកស្មានមិនដល់ យមកជម្រាបជូនប្រីយមិត្តយេីងអោយបានដឹងនិងមានការប្រយត័្ន នៅក្នុងដំណេីរឆ្លងកាត់សម័យកាលកូវិត១៩ដ៏សែនមហាប្រល័យនេះ មនុស្សទូទាំងពិភពលោកនិយាយជារួមនិយាយដោយឡែកប្រជាជនកម្ពុជាយេីង ក៏បានទទួលរងនូវឥទ្ធិពលនេះយ៉ាងធ្ងន់ធ្ងរមួយចំណែកផងដែ រឺឯចំណែកបុគ្គលិកកម្មករដែលស្ថិតនៅក្រោមឱវាទរបស់ខ្ញុំទាំងដោយផ្លាល់ និងដោយប្រយោលរាប់មុឺននាក់ក៏បានទទួលរងនូវឥទ្ធិពលកូវិត ១៩នេះផងដែរ ក្នុងនាមរូបខ្ញុំអ្នកទទួលខុសត្រូវបានទំនាក់ទំនងស្វាស់ស្វែងរកវ៉ាក់សាំង គ្រប់ច្រកល្ហកដេីម្បីយកមកចាក់ជូនបានគ្រប់ៗគ្នា រួមជាមួយប្រពន្ធកូនសាច់ញាតិផងដែរ បេីទោះបីជាយ៉ាងនេះក៏ដោយចុះយេីងមិនអាចចៀសផុតពីការឆ្លងបានឡេីយ បុគ្គលិកកម្មករបានឆ្លងកូវិត១៩ចំនួន១១៧នាក់ព្យាបាលជាសះស្បើយ ចំនួន៧៧នាក់កំពុងសម្រាកព្យាបាលនៅមន្ទីរពេទ្យចំនួន៤០នាក់។
ក្នុងចំណោមអ្នកជាសះស្បើយខ្ញុំសុំលេីកយក បុគ្គលដែលលេចធ្លោជាងគេគឺលោកឃុត ឌុចប្រពន្ធនិងកូនតូចអាយុ២ខួបផងដែរ ក្រោយពីបានសម្រាកព្យាបាលរយៈពេល១ខែរួចមក ផ្នែកខាងរដ្ឋបាលបានយកប្រាក់ខែទៅបេីកអោយគ្រប់ចំនួន ដូចបុគ្គលិកកម្មករដ៏ទៃទៀតដែរក្រោយពីលោកឌុចបានរាប់លុយ មេីលឃេីញនៅដ៏ដែល470ដុល្លារបានពោលពាក្យថាអាញ់ឈឺអត់ឡេីងប្រាក់ខែអោយ ហេីយក៏បានបោកទូរស័ព្ទចោលព្រមទាំងនាំប្រពន្ធកូនចាកចេញទៅ ដោយមិនបានស្តាយអតីតភាពការងារ៥ឆ្នាំដែលបានបំរេីនៅក្នុងក្រុមហ៊ុន។
សូមបញ្ជាក់ថា បូកបន្ថែមពីលេីប្រាក់ខែនេះ ក្រុមហ៊ុនបានផ្តល់អាហារបីពេលរាល់ថ្ងៃ ផ្ទះស្នាក់នៅទឹកភ្លេីងFree ពេលមានជម្ងឺជួយពិនិត្យព្យាបាល មកខ្ចីលុយការប្រពន្ធមិនសងវិញទេ ទិញម៉ូតូអោយជិះចែមទៀតផង៕ រក្សាសិទ្ធិដោយ៖ លឹម ហុង
