ភ្នំពេញ៖ គណៈកម្មាធិការគ្រប់គ្រងគ្រោះមហន្តរាយខេត្តកំពត បានសម្រេចបើកទ្វាររំដោះទឹក ចេញពីទំនប់វារីអគ្គិសនីកំចាយ ដោយសន្សឹមៗ ដោយសារស្ថានភាពទឹកភ្លៀង នៅតែបន្តធ្លាក់រយៈពេល ប៉ុន្មានថ្ងៃជាប់ៗគ្នា នៅទូទាំងខេត្ត ធ្វើឲ្យលំហូរទឹកចូល ក្នុងស្តុកទឹកទំនប់វារីអគ្គិសនី នេះកើនឡើង។
បើតាមសេចក្តីប្រកាសព័ត៌មាន គណៈកម្មាធិការគ្រប់គ្រងគ្រោះមហន្តរាយខេត្តកំពត នៅរសៀលថ្ងៃទី១១ ខែតុលា ឆ្នាំ២០២១នេះ សូមជូនដំណឹង ដល់បងប្អូនប្រជាពលរដ្ឋ ឲ្យបានជ្រាបថា ដោយស្ថានភាពទឹកភ្លៀង នៅតែបន្តធ្លាក់រយៈពេលប៉ុន្មានថ្ងៃជាប់ៗគ្នា នៅទូទាំងខេត្តកំពត ធ្វើឲ្យលំហូរទឹកចូលក្នុងអាងស្តុកទឹកទំនប់វារីអគ្គិសនីកំចាយមានចំនួនកើនឡើង ដល់កំរិតត្រូវរំដោះទឹក ចេញពីទំនប់ ក្រុមបច្ចេកទេសនៃទំនប់វារីអគ្គិសនីកំចាយ នឹងធ្វើការបើកបង្ហូរទឹកដោយសន្សឹមៗ នៅ វេលម៉ោង១១ និង០០នាទី ថ្ងៃត្រង់នេះ នាថ្ងៃទី១១ ខែតុលា ឆ្នាំ២០២១នេះ៕ រក្សាសិទ្ធិដោយ ៖ កូលាប
