សន្ទស្សន៍ផ្សារមូលបត្រកម្ពុជា បានងើបឡើងវិញនាថ្ងៃពុធនេះ ប្រមាណ ០,០៨ភាគរយ មកបិទត្រឹម ៤៩១,៣១ពិន្ទុ ដោយមានភាគហ៊ុនចំនួន ៤ លើទីផ្សារគោលកើនឡើង។
ភាគហ៊ុនកំពង់ផែស្វយ័តក្រុងភ្នំពេញ បានបង្ហាញការកើនឡើងខ្ពស់ជាងគេ ចំនួន៨០រៀលក្នុងមួយហ៊ុន បន្ទាប់មកគឺភាគហ៊ុនរដ្ឋាករទឹកស្វយ័តក្រុងភ្នំពេញ ជាមួយនឹងការកើនឡើងចំនួន ៤០រៀល។ ចំណែកភាគហ៊ុន អេស៊ីលីដា និងផេសថិក មានកំណើន ២០រៀលដូចគ្នា។ នៅលើទីផ្សារកំណើនវិញ ភាគហ៊ុនឌីប៊ីឌី កើនឡើង១០រៀល ដល់ ២.២៣០រៀល ក្នុងមួយហ៊ុន ជាមួយនឹងតម្លៃជួញដូរចំនួន ៣៦,០១លានរៀល។ តម្លៃជួញដូរនៃទីផ្សារទាំងពីរនេះសរុបចូលគ្នាមានចំនួន ២៩៤,៥៨ លានរៀល៕
