ករណីដ៏កម្រនេះ ត្រូវបានកាមេរ៉ាសុវត្ថិភាពថតបាន ហើយបើទស្សនាទៅវាប្រៀបដូចជាខ្សែភាពយន្តដ៏កំប្លែងមួយអីចឹង ។
តាមរយៈខ្សែវីដេអូនោះ បង្ហាញឲ្យឃើញបុរសម្នាក់ខំប្រឹងបង្វែងដានបុគ្គលិកលក់ទំនិញ ខណៈពេលដែលដៃគូរបស់ខ្លួនកំពុងប្រឹងយករបស់របរញាត់ចូលក្នុងហោប៉ៅ ។
ស្របពេលគ្នានោះ ហេតុការណ៍មួយបានកើតឡើងព្រោះមានចោរប្លន់ម្នាក់បានសំរុកចូលក្នុងហាងលក់ទំនិញដោយកាន់កាំភ្លើងក្នុងដៃ រួចភ្ជង់ទៅលើអ្នកគិតលុយ។ ចោរប្លន់រូបនេះ ពុំបានឃើញវត្តមានរបស់ចោរលួចដែលកំពុងពួននៅក្បែរទូរលក់ទំនិញ។
ហេតុការណ៍ស្មានពុំដល់ ដោយហេតុថា ចោរពីររូបនេះ ពុំបានរត់ចេញពីហាងនោះឡើយ ពួកគេបែរជាងាកមកជួយ “បង្ក្រាប” ចោរប្លន់ទៅវិញ។ ពួកគេបានឆក់យកកាំភ្លើង ហើយរួមចាប់ចោរប្លន់រូបនោះ។
បន្ទាប់ពីឃ្លីបថតដោយកាមេរ៉ាសុវត្ថិភាពរបស់ហាងត្រូវបានបង្ហោះឡើង ។ មានមនុស្សជាង ១០លាននាក់ បានចូលទស្សនា និងជាង ៣០ម៉ឺននាក់ ធ្វើការចែករំលែក ។ ក្នុងនោះមានមតិមួយលើកឡើងបែបកំប្លែងថា “អាចនិយាយថា ហាងមួយនេះពិតជាមានសំណាងល្អបំផុតប្រចាំឆ្នាំ ព្រោះបានចោរលួចជួយបង្ក្រាបចោរប្លន់ ! ហើយមតិមួយទៀតស្ងោចសរសើរថា ៖ “ទោះយ៉ាងណាចោរលួចក៏នៅមានសីលធម៌ដែរ” ។
ប្រិយមិត្តទស្សនាភាពយន្តពិតៗខាងក្រោម ៖